پەتروپاۆل. 28 قاڭتار. ايماق باسشىسى ەرىك سۇلتانوۆ, ىشكى ىستەر ءمينيسترىنىڭ ورىنباسارى ەرلان تۇرعىنباەۆتىڭ قاتىسۋىمەن وتكەن القالى جيىندا وبلىستىق ىشكى ىستەر دەپارتامەنتىنىڭ باستىعى بەرىك ءبىلالوۆ 2015 جىلدىڭ قورىتىندىلارى مەن الداعى مىندەتتەر جايلى باياندادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى.
باياندامادا كەلتىرىلگەندەي بىلتىر 10 مىڭعا جۋىق ءارتۇرلى قىلمىس تىركەلگەن. اۋىر قىلمىستار - 29, كىسى ءولتىرۋ-19, توناۋ - 17, بوپسالاۋ - 51, ادام زورلاۋ - 19 پايىزعا كەمىگەن. وزگەنىڭ دۇنيە - مۇلكىن ۇرلاۋ بارلىق قىلمىستاردىڭ 60 پايىزىن قۇرايدى. بالالار قىلمىسىنىڭ, جول-كولىك وقيعالارىنىڭ دا ازايعانى بايقالادى.
باسقوسۋدا قىلمىستىق-اتقارۋ جۇيەسى وبلىستىق باسقارماسى باستىعىنىڭ مىندەتىن اتقارۋشى بوكەنباي ءجۇسىپوۆتىڭ, وبلىستىق توتەنشە جاعدايلار دەپارتامەنتىنىڭ باستىعى پاۆەل فيليپپوۆتىڭ, جەرگىلىكتى پوليتسيا قىزمەتىنىڭ باستىعى قانانت ايتباەۆتىڭ ەسەپتەرى تىڭدالدى.
ىشكى ىستەر ۆيتسە-ءمينيسترى ەرلان تۇرعىنباەۆ باستى نازاردى پروفيلاكتيكالىق, قۇقىقتىق شارالاردى كۇشەيتۋدى, قىلمىستاردىڭ الدىن الۋدى تالاپ ەتتى.
ەرىك حامزا ۇلى جاستار ماسەلەسىن, بۇرىن سوتتلاعان ادامدارمەن تۇسىنىك-تاربيە جۇمىستارىن, جۇرتشىلىقپەن بايلانىستى نىعايتۋدى اتاپ كورسەتتى.
جيىن سوڭىندا ءتۇرلى اتالىمدار بويىنشا ەڭ ۇزدىك پوليتسيا قىزمەتكەرلەرى ماراپاتتالدى.
وندا ايىرتاۋ اۋدانى جەڭىمپاز رەتىندە تانىلدى.
ءومىر ەسقالي.
دەرەك, سۋرەت: وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
