سولتۇستىك قازاقستاندا شەتەلدىك ينۆەستور قاشىپ ءجۇر

پەتروپاۆل. 27 قاڭتار. وسىدان 12 جىل بۇرىن ماسكەۋدەن ءىرى ينۆەستور رەتىندە كەلگەن «قازترانساۆتو» كومپانياسى جۇمىسشى-قىزمەتكرلەرگە ماڭداي تەرمەن تاپقان ەڭبەكاقىسىن ۋاقىتىلى تولەمەي, سايدان سانىن, قۇمنان ءىزىن تاپتىرماي قاشىپ كەتكەن. بۇل تۋرالى وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى. شەتەلدىڭ الپاۋىتتىڭ قۇرامىنا كىرگەن 40-قا جۋىق شارۋا قوجالىعى جىلداپ جالاقى كورمەگەنىن ايتىپ وتىر. سولاردىڭ ءبىرى– تايىنشا اۋدانىنا قاراستى «كولوس» استىق قابىلداۋ كاسىپورنى. مۇندا جۇمىس ىستەيتىندەر نە ىستەرلەرىن بىلمەي دال. ماسەلەن, سامارباي قويشىعارين سوڭعى جالاقىسىن وسىدان 10 اي بۇرىن الىپتى. سودان بەرى 200 مىڭ تەڭگەسىن داۋلاۋمەن ءجۇر. ەلەۆاتوردا كەزىندە 80-گە جۋىق ادام ەڭبەك ەتىپ, تۇراقتى جۇمىسپەن قامتىلسا, بۇگىندە جالاقى مەن سالىق قارىزدارى ونداعان ميلليوننان اسىپ جىعىلادى. عيماراتتار يەسىز قالعان. بىلتىرعى استىق ورۋ ناۋقانىنا مۇلدەم قاتىسپاعان. ال بانكروت جاريالايىن دەسە, اتالعان كومپانيانىڭ دۇنيە-م ۇلىكى بانكتە كەپىلدە تۇرعاندىقتان, رۇقسات جوق. ايتا كەتەيىك, قۇرىلتايشىسى سول كەزدەگى ماسكەۋ مەرى لۋجكوۆ سانالاتىن «كازترانساۆتو» فيرماسى تاقىرعا وتىرعىزعان شارۋاشىلىقتار قىزىلجار وڭىرىندە جۇزدەپ سانالادى. ءومىر ەسقالي. دەرەك: وبلىستىق پروكۋراتۋرانىڭ ءباسپاسوز قىزمەتى. سۋرەت: damu.kz.