ورنىقتى دامۋ باعدارى

قازاقستان رەسپۋبليكاسىنىڭ تۇڭ­عىش پرەزيدەنتى, ەلباسى نۇرسۇلتان نازارباەۆتىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسىندا ايتىلعان جاع­داياتتار ەلىمىزدىڭ الدىندا تۇرعان اۋقىمدى مىندەتتەردى ناقتىلاپ كور­سەتىپ بەرگەن. تاراتا ايتار بولسام, ەلباسى تاۋەلسىزدىگىمىزدىڭ 25 جىلدىعى قار­ساڭىندا «بەس ينستيتۋتتىق رەفورمانى جۇزەگە اسىرۋ بويىنشا 100 ناقتى قادام» – ۇلت جوسپارىن ورىنداۋدىڭ پراكتيكالىق كەزەڭى باستالعانىن اتاپ ءوتتى. بۇل – قازىرگى ۋاقىتتاعى جاھاندىق داعدارىس كەزىندە جاسالعان باتىل قادام بولىپ ەسەپتەلەدى. سونداي-اق, ەلباسى «ءبىزدىڭ قازاقستاندىق ارمانىمىز – ءححى عاسىردا كوشباسشى وتىز ەلدىڭ ءبىرى بولۋعا قول جەتكىزۋىمىزگە جول اشاتىن» باعىتىمىزدى ايقىنداپ بەردى. بۇكىل قازاق جۇرتىنىڭ ەجەلدەن بەرگى ۇلى ارمانى – ەگەمەن ەل بولۋ ەدى, مىنە, ەندى سول تاۋەلسىزدىگىمىزگە قول جەتكىزگەلى دە شيرەك عاسىر ۋاقىت ءوتتى. تاۋەلسىزدىكتىڭ العاشقى جىل­دارىندا كەزدەسكەن ەل بولىپ قالىپ­تاسۋ جولىنداعى قيىندىقتاردان ەل­باسىنىڭ كورەگەن ساياساتى, ولشەۋسىز ەڭبەگى ارقاسىندا وتتىك. ەندىگى الدىمىزدا كۇتىپ تۇرعان سىندارلى كەزەڭ­دەردەن سۇرىنبەي ءوتۋ ءۇشىن وسى ماقالاداعى ايتىلعان وزەكتى تۇيىندەردى نەگىزگى نىسان ەتە وتىرىپ, العا ىلگەرىلەۋىمىز كەرەك. ەلباسىمىزدىڭ بۇل ماقالاسىنداعى «مەم­لەكەتتى كاسىبيلەندىرۋ», «قۇقىق ءتارتىبى جانە زاڭدىلىق», «بيۋروكراتتىق شىعىنسىز ەكونوميكاعا قادام باسۋ», «سىرتقى ينۆەستيتسيالاردىڭ جاڭا كوزدەرى», «يننوۆاتسيالىق يندۋستريا­لاندىرۋ كوكجيەكتەرى», «الەۋمەتتىك جاڭعىرتۋ ىنتالاندىرۋشىلارى», «رەفورمالار تابىسى – ۇلت بىرلىگىنە باستار جول», «قوعامعا ەسەپ بەرەتىن اشىق مەملەكەت», «مەملەكەت فۋنكتسيالارىن باسەكەلەستى ورتاعا جانە جەرگىلىكتى ءوزىن ءوزى باسقارۋعا بەرۋ» جانە ۇلت جوسپارى – قازاقستاندى كەڭ اۋقىمدى جاڭعىرتۋ جوباسى» اتتى بولىمدەرىندە ايتىلعان باعىتتار ءبىزدى جىگەرلەندىرىپ, قيىندىققا مويىماي, تەك قانا جەڭىسكە جەتۋگە ۇندەيدى. ناقتىلاي ايتقاندا, ماقالادا مەملەكەت پەن قوعام الدىنداعى مىندەتتەردى ورىنداۋ ءۇشىن جۇمىلا قىزمەت ەتۋىمىزدىڭ قاجەتتىگى, سوندا عانا تاۋەلسىزدىگىمىزدىڭ تۇعىرلى, ىرگەمىزدىڭ بەرىك بولاتىنى ۇعىنىقتى جەتكىزىلگەن. ەلباسىنىڭ وسى ماقا­لاسىنداعى قۇقىق ءتارتىبى جانە زاڭدىلىق اياسىندا ايتىلعان ۇسىنىستارى مەن وي-پىكىرلەرى دە مەنىڭ وتانداستارىمدى بەيجاي قالدىرماسى انىق. سەبەبى, تاۋەلسىز ەلىمىزدىڭ, ازاماتتارىمىزدىڭ قۇقىعى مەن بوستاندىعى ەڭ ماڭىزدى ورىندا تۇرماق. سوندىقتان دا, ەڭ اۋەلى ەل ىشىندەگى ءتارتىپ پەن قۇقىقتى قاتاڭ ساقتايتىن زاڭنىڭ ورنى بولەك. ءبىز قوعامدا تىنىشتىقتىڭ ماڭىزدى ەكەنىن بىلۋگە ءتيىسپىز. قازىرگى تاڭدا الەمدەگى كوپتەگەن ەلدەر اراسىنداعى الاۋىزدىق ءناتي­جەسىندە تۋىنداپ جاتقان كەلەڭسىزدىكتەر مەن جانتۇرشىگەرلىك وقيعالار بىزگە ىنتىماعى جاراسقان ەل بولۋدىڭ قانشالىقتى ماڭىزدى ەكەنىن كورسەتىپ وتىر. مەن اۋعانستان جەرىندەگى سوعىستى كورگەن اداممىن. سوعىستىڭ زاردابى قانداي بولاتىنى ءالى كۇنگە كوز الدىمدا. سول ءبىر اۋىر جىلداردى ەسىمە الا وتىرىپ, بۇگىنگى ءبىزدىڭ بەيبىت تە تىنىش قوعامىمىزعا قاراپ شۇكىر دەيمىن. مۇنىڭ ءبارى ەلباسىنىڭ سارابدال ساياساتى مەن ەل باسقارۋداعى كورەگەندىگىنىڭ ارقاسى. سوندىقتان دا, ءبىز جالپى حالىق بولىپ جۇدىرىقتاي جۇمىلعان بىرلىكپەن ەلباسىن قولداپ-قۋاتتاۋ ارقىلى «ماڭگىلىك ەلدىڭ» بەيبىت تۋىن جەلبىرەتىپ, قازاقستاندىق ارمانىمىزدىڭ ورىندالۋى جولىندا ايانباي ەڭبەك ەتۋىمىز كەرەك. جانگەلدى ماحاشوۆ, «اۋعانستان ارداگەرلەرى» رەسپۋبليكالىق قوعامدىق بىرلەستىگى توراعاسىنىڭ ءبىرىنشى ورىنباسارى. استانا.