كازينودان قاشقان قاشقىن

قاراعاندى وبلىسىندا اياق ا­س­تى­نان 20 جاستاعى ستۋدەنت يۆان ما­كاروۆ جوعالىپ كەتتى. ازىرگە ونىڭ قايدا ەكەنىن ءتىرى جان بىلمەيدى. بار بولعانى ول ۇيدەن كەتەرىندە تىلدەي حات قالدىرىپتى. وندا «ەشكىمگە زيانىمدى تيگىزبەي, وسىلاي كەت­كەنىم دۇرىس, بارلىق پروبلەما شە­شىلگەننەن كەيىن ءوزىم كەلەم», دەگەن مازمۇنداعى سوزدەر جازىلعان... ءۇي­دەن كەتەرىندە ول وزىمەن بىرگە نوۋت­بۋك, تەلەفون, Altel 4G جىلجى­مالى ينتەرنەتىن الا كەتكەن... «باقساق – باقا ەكەن دەمەكشى», ستۋدەنتتىڭ الدى-ارتىنا قاراماي, ۇيدەن نەگە بەزگەنى ەندى بەلگىلى بول­دى. سويتسە, ساران قالاسىنداعى گۋمانيتارلىق-تەحنيكالىق كول­لەدج­دىڭ ستۋدەنتى ءبىراز ۋاقىتتان بە­رى ينتەرنەتتە كازينو وينايدى ەكەن. الايدا, ءۇي-ءىشى ونىڭ مۇنداي قۇمار ويىنعا باسى بايلانعانىن بىلمەپتى. وقۋ وزاتى, ءتارتىبى ۇلگىلى, سپورتپەن شۇعىلداناتىن ودان مۇن­داي «ونەر» شىعادى دەپ استە كۇت­پەسە كەرەك. اعاسى ميحايلدىڭ ايتۋىنشا, يۆان ينتەرنەت ويىنحاناسىندا ءىرى كولەمدە اقشا ۇتىلعانعا ۇق­سايدى. ول اقشانى بىرەۋلەردەن قارىزعا الۋى مۇمكىن نەمەسە ويىندى قارىزعا ويناعان. ءبىر بەلگىلىسى, بۇگىندە يۆاندى بىرەۋلەر ىزدەپ ءجۇر ءجا­نە ولار قولدارىنا تۇسسە ونى ايايىن دەپ جۇرگەن جوق... تاياۋدا ميحايل ساران قالا­سىنداعى ىشكى ىستەر بولىمىنە با­رىپ, پولي­تسياعا ءىنىسى­نىڭ جو­عالۋىنا باي­لا­نىس­تى ارىز ءتۇسىر­دى. قايرات ءابىلدينوۆ, «ەگەمەن قازاقستان». قاراعاندى وبلىسى.