اجالعا بەت بۇرعان

ادامدى پوليتسيا قۇتقارىپ قالدى وتكەن سەنبى كۇنى قالانىڭ قاق ىرگەسىنەن ءوتىپ جاتقان دا­رياعا الدەكىم سەكىرىپ كەتەدى. سۇلتان بەيبارىس كوشەسىنىڭ بويىندا ورنالاسقان كوپىر­دەن سەكىرگەن ادامنىڭ دۇنيە­دەن باز كەشكەنى تۋرالى اقپارات سول ماڭداعى جول-پاترۋلدىك پوليتسياسىنىڭ قىز­مەتكەرلەرىنە دەر كەزىن­دە حابارلاندى. حابارلاما تيىسىمەن پوليتسيا قىزمەتكەرلەرى وقيعا ورنىنا جەتەدى. جول-پاترۋلدىك پوليتسيا با­­­تالونىنىڭ قىزمەتكەرلەرى شات­تىق جايساڭباەۆ, با­­­قىت­جان اشىربەكوۆ پەن نۇر­­لى­بەك نۇرتاەۆ كوپىرگە كەل­گەن­دە, دا­ريانىڭ اعىسىمەن با­تىس­قا قاراي ءبىر باتىپ, ءبىر شى­­­­عىپ بارا جاتقان ازاماتتى باي­­­قايدى. ولار اۋا رايىنىڭ قولاي­­سىزدىعىنا قاراماستان سىرت­قى كيىمدەرىمەن سۋعا ءتۇسىپ, ازا­ماتتى قۇتقارىپ الا­دى. قى­زىلورداڭىزدا كۇن سۋىق ەمەس دە­سەڭىز دە, قاڭ­تاردىڭ ورتاسى عوي, ءبارى­بىر قىستىڭ سىزى بار. قۇت­­قارىلعان ادامعا العاشقى دارىگەرلىك كومەك كورسەتىلەدى. وقيعا باسىنا جەدەل جاردەم قىزمەتى شاقىرىلىپ, ازامات قىزىلوردا قالالىق اۋرۋحاناسىنا جەتكىزىلدى. قازىر ءوز-وزىنە قول سالعان ادامنىڭ جاعدايى جاقسى دەپ باعالانۋدا, ومىرىنە ەشقانداي قاۋىپ ءتونىپ تۇرعان جوق. ال قۇقىق قورعاۋشىلار ازاماتتىڭ بۇل قادامعا بارۋ سەبەپتەرىن جان-جاقتى زەردەلەۋ ماقساتىندا ءتيىستى جۇمىستار جۇرگىزىپ جاتىر. ەرجان بايتىلەس, «ەگەمەن قازاقستان». قىزىلوردا.