كورمەگە قاتىستى كوپ جۇمىس كۇتىپ تۇر

ەلباسى نۇرسۇلتان نازارباەۆ «استانا ەكسپو-2017» ۇلت­تىق كوم­پانياسى» اق باسقارماسىنىڭ توراعاسى احمەتجان ەسى­موۆ­تى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ا.ەسىموۆ كەزدەسۋ بارىسىندا مەملەكەت باسشىسىنا استانادا وتەتىن حالىقارالىق كورمەگە داي­ىن­دىق بارىسى تۋرالى باياندادى. نۇرسۇلتان نازارباەۆ ەكسپو-2017 كورمەسىن وتكىزۋ ايا­سىندا تاياۋ جىلدارى الدا اۋقىم­دى جۇمىستار تۇرعانىنا توقتال­دى. اتاپ ايتقاندا, كورمەگە قاتى­سۋ­شىلاردىڭ تۇپكىلىكتى قۇرامىن انىقتاپ, قازاقستاننىڭ پاۆيلونى مەن وزگە ەلدەردىڭ نىساندارىن مازمۇندىق تۇرعىدان تولىقتىرۋ قاجەت. سونداي-اق, ءىس-شارانى وتكىزۋگە جانە قوناقتار قابىلداۋعا ەلوردا ينفراقۇرىلىمىنىڭ ازىرلىگىن قامتاماسىز ەتۋ كەرەك. وزگە دە ماڭىزدى مىندەتتەر قا­تارىندا ساپالى مادەني باعدارلاما ازىرلەۋ, ەرىكتىلەردى تارتۋ, سونىمەن بىرگە, كورمە اۋماعىن كەيىننەن حا­لىقارالىق قارجى ورتالىعى رەتىندە پايدالانۋ ماسەلەلەرى بار. ا.ەسىموۆتىڭ ايتۋىنشا, بۇگىنگە دەيىن 70 شەت مەملەكەت كورمەگە قاتى­ساتىنىن راستاعان, سونىڭ 35-ءى – دامىعان ەلدەر. كورمەگە ءىرى ترانس­ۇلتتىق كومپانيالار دا قىزى­عۋ­شىلىق تانىتۋدا. جالپى, تىركەۋ دوسەسى بويىنشا جوسپارلانعان 100 ەلدىڭ قاتىسۋ كورسەتكىشىنە قول جەتكىزىلەدى دەپ بولجانىپ وتىر. سونداي-اق, مەملەكەت باسشى­سى­نىڭ تاپسىرماسىنا وراي, ۇلت­تىق كومپانيا كورمەنى وتكىزۋ شى­عىستارىن نىساندار فۋنكتسيونالىن ساقتاي وتىرىپ, تاعى 53 ميلليارد تەڭگەگە قىسقارتتى. وسىلايشا, بۇرىن جاسالعان قىسقارتۋلاردى ەس­كەرگەندە, شىعىستاردى وڭتايلان­دىرۋ كولەمى جالپى 131 ميل­ليارد تەڭگە بولادى. بۇعان دەيىن توپ-مە­نەدجەرلەر سانى 15-تەن 6-عا قىس­قارعان بولسا, قازىرگى كەزەڭدە شتات كەستەسىن 12 پايىزعا وڭتايلاندىرۋ جوسپارلانعان. سونىمەن قاتار, ا.ەسىموۆ ەكسپو-2017 كورمەسىن وتكىزۋ ءىسىن ءارى قاراي ىلگەرىلەتۋ ماقساتىندا داۆوس قالاسىنداعى (شۆەيتساريا) دۇنيەجۇزىلىك ەكونوميكالىق فو­رۋمدا اقپاراتتىق ناۋقان جۇرگى­زىلگەنىن اتاپ ءوتتى. كورمە وتكەننەن كەيىن بۇل اۋ­ماقتا بۇۇ قولداۋىمەن حالىق­ارا­لىق جاسىل تەحنولوگيالاردى ءجا­نە ينۆەستيتسيالىق جوبالار­دى دا­­مىتۋ ورتالىعىن قۇرۋ كوز­دە­لۋدە. ەلباسىنىڭ بىلتىر بۇۇ باس اس­سام­بلەياسى وتىرىسىندا جاريا­لا­عان بۇل ۇسىنىسى قازىردىڭ وزىندە وزگە ەلدەر تاراپىنان قولداۋ تابۋدا. «استانا ەكسپو-2017» باس­قارماسىنىڭ توراعاسى كورمە نىساندارىن قۇرىلىس ماتەريالدارىمەن قامتاماسىز ەتۋ ىسىنە 230-دان اسا قازاقستاندىق كاسىپورىن تارتىلىپ, جالپى قۇنى 77 ميلليارد تەڭگەنىڭ قىزمەتى مەن تاۋارىن جەتكىزۋ جونىندە شارتتار جاسالعانىنا نازار اۋداردى. سونىڭ 30 ميلليارد تەڭگەسى استانادا جۇمىس ىستەيتىن كومپانيالارعا تيەسىلى. وسىلايشا, ەكسپو داع­دارىس ۋاقىتىندا جاڭا جۇمىس ورىن­دارىن اشىپ, قازىرگى جۇمىس ورىن­دارىن ساقتاۋعا مۇمكىندىك بەرە­تىن مەملەكەتتىك جوبالاردىڭ ءبىرى بولىپ وتىر. ا.ەسىموۆ كورمە نىساندارىن سالۋ جۇمىسى جوسپارلى مەرزىمگە سايكەس ءجۇرىپ جاتقانىن ايتتى. بيىل قۇرىلىس جۇمىستارىن اياقتاۋ جوسپارلانعان, سودان كەيىن كورمە نىساندارىن مازمۇندىق تۇرعىدان تولىقتىرۋ ءىسى باستالادى. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. سۋرەتتى تۇسىرگەندەر س.بوندارەنكو, ب.وتارباەۆ.