اقمولا. 25 قاڭتار. اقمولا وبلىسىنىڭ تسەلينوگراد اۋدانىنداعى رودينا اۋىلىندا «نۇرلى جول» باعدارلاماسىمەن 4 ءۇي پايدالانۋعا بەرىلدى. بۇل تۋرالى egemen.kz ءتىلشىسى حابارلادى.
وبلىس اكىمى اتالعان اۋىلداعى قونىس تويعا قاتىسىپ, قۋانىش يەلەرىن قۇتتىقتادى. ول جەرگىلىكتى تۇرعىندارمەن بىرگە جاڭا ءۇيدىڭ كىلتىن العان ەرلان تاسبولاتوۆتىڭ شاڭىراق شاتتىعىنىڭ كۋاسى بولدى.
«قازاقستان پرەزيدەنتى نۇرسۇلتان ءابىش ۇلىنىڭ حالىق تۇرمىسىن جاقسارتۋ باعىتىنداعى ساياساتىنىڭ ارقاسىندا شالعاي ەلدى مەكەندەردە دە زامانالىق جاڭا ۇيلەرگە قولجەتىمدىلىك ورنىقتى. شاڭىراقتارىڭىز شاتتىققا تولىپ, وتباسىلىق بەرەكەگە بولەنىڭىزدەر. بۇگىن ءوز اتىمنان تاسبولاتوۆتىڭ وتباسىنا تەلەديدار سىيلايمىن», – دەدى وبلىس اكىمى سەرگەي كۋلاگين. سونداي-اق, «رودينا» اگروفيرماسى» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى, قازاقستاننىڭ ەڭبەك ەرى يۆان ساۋەر: ««نۇرلى جول» باعدارلاماسىمەن 2016 جىلدىڭ ءبىرىنشى جارتى جىلدىعىندا 14 ءۇي پايدالانۋعا بەرىلەدى. بۇگىن وسى ءۇيدىڭ 4-ءۋى تولىق اياقتالىپ, تۇرعىندار مارە-مارە بولۋدا. جىل اياعىنا دەيىن قالعان ۇيلەردىڭ قۇرىلىسىن اياقتايمىز», – دەدى.
شارا بارىسىندا يۆان ساۋەر وبلىس اكىمى مەن جۋرناليستەردى 1000 باس ساۋىن سيىرىنا ارنالعان مال شارۋاشىلىعى كەشەنى قۇرىلىسىنىڭ بارىسىمەن تانىستاردى. جوبالىق قۇنى 1 ميلليارد 10 ميلليون تەڭگە تۇراتىن بۇل نىسان ۇستىمىزدەگى جىلدىڭ ءبىرىنشى توقسانىندا جۇمىسقا قوسىلادى دەپ كۇتىلۋدە.
جاڭا قۇرىلىستار قارقىن العان شارۋاشىلىقتا وسكەلەڭ تالاپتارعا تولىق ساي كەلەتىن استىق تەرمينالى سالىنىپ جاتقانىن كوردىك. سيىمدىلىعى 20 000 توننالىق تەرمينالدا استىقتى تازالاۋ, كەپتىرۋ, ساقتاۋ جانە نارىققا شاعارۋدىڭ كلاستەرلىك جۇيەسى قامتاماسىز ەتىلەدى.
باقبەرگەن امالبەك.
دەرەك, سۋرەت: egemen.kz.
