برازيليادا ساياحاتشىلار كەمەسى اپاتقا ۇشىرادى

استانا. 25 قاڭتار. برازيليانىڭ سان-پاۋلۋ شتاتىندا ساياحاتشىلار كەمەسى اۋدارىلىپ, ەكى ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وقيعا كەزىندە «قارا مونشاق» كاتەرىندە 20 ساياحاتشى جانە كەمە كاپيتانى بولعان. مامانداردىڭ ايتۋىنشا, بيىك تولقىنداردان قورىققان ساياحاتشىلار كاتەردىڭ ءبىر بولىگىنە قاراي جينالىپ العان. وسى ساتتە كەمە اۋدارىلىپ كەتكەن. قۇتقارۋشى توپ, اپات ورنىنان 19 ادامدى امان الىپ قالعانىمەن, 41 جاستاعى ەلاينە كريستينا ۆەرنە مەن 4 جاسار ۇلى شىنى كابينانىڭ قورشاۋىندا قالىپ, دەر كەزىندە سىرتقا شىعا الماي, مەرت بولدى. كاتەر يەسى سەزار دانيەل دۋارتە «قارا مونشاق» 22 ادامعا دەيىن تاسىمالداي الادى, وسىعان بايلانىستى ساياحاتشىلاردى شەكتەۋلى مولشەردەن ارتىق العان دەگەن بولجام نەگىزسىز دەپ اقتالدى. قۇقىق قورعاۋ ورگانىنىڭ قىزمەتكەرلەرى وقيعا ورنىندا تەرگەۋ جۇمىستارىن جۇرگىزۋدە. ايان ءابدۋالي. دەرەك: تاسس. سۋرەت: regnum.ru.