شىمكەنت. 25 قاڭتار. شىمكەنتتە وتكەن كاسىپكەرلەر فورۋمىندا قۇرىلىسقا پايدالانىلاتىن ماتەريالداردىڭ 80 پايىزى شەتەلدەن تاسىمالداناتىنى ايتىلدى. بۇل تۋرالى egemen.kz ءتىلشىسى حابارلادى.
بۇل – جاقسىلىق ەمەس. ال, وتاندىق وندىرۋشىلەر شەتەلدىك قۇرىلىس ماتەريالدارىنىڭ ورنىنا ساپالى ءارى باعاسى ارزان قانداي ءونىم ۇسىنا الادى؟ كاسىپكەر گۇلنار جولدىباەۆا يىلگىش تاس وندىرۋىمەن اينالىسادى. تەحنولوگياسىن ماسكەۋدەن ۇيرەنىپ كەلگەن كاسىپكەر يىلگىش تاستىڭ 40 گرادۋس اياز مەن 50-60 گرادۋس ىستىققا ءتوزىمدى, سالماعى جەڭىل, ورتەنىپ كەتۋ قاۋپى جوق ەكەندىگىن ايتادى. باعاسى شارشى مەترىنە – 2500 تەڭگە. ال, وسىعان ۇقساس تۇركيالىق ءونىم 1400 مىڭ تەڭگە بولسا, رەسەيدىكى 10 مىڭ تەڭگە, گەرمانيا ماتەريالى شارشى مەترىنە 60 دوللاردان اينالادى. ياعني, وتاندىق تاۋار وندىرۋشىلەرگە قولداۋ بولسا شەتەلدىك ونىمگە مىقتى باسەكەلەس بولا الادى. باقتيار تايجان. دەرەك, سۋرەت: egemen.kz
