الماتىدا « ۇلى جىبەك جولى – قىتاي مادەنيەتىنىڭ كۇنى» وتەدى

الماتى. 25 قاڭتار. الماتى قالاسىنداعى قىتاي حالىق رەسپۋبليكاسىنىڭ باس كونسۋلدىعى مەن  قازاقستان رەسپۋبليكاسىنىڭ ۇلتتىق كىتاپحاناسى  2016 جىلعى 26 قاڭتار كۇنى, ساعات 15:00-دە قازاقستان رەسپۋبليكاسى ۇلتتىق كىتاپحاناسىندا وتەتىن « ۇلى جىبەك جولى – قىتاي مادەنيەتىنىڭ كۇنى» اتتى ءىس-شارا وتكىزبەك. بۇل تۋرالى egemen.kz ءتىلشىسى حابارلادى. بۇگىنگى, ەكى ەل اراسىنداعى قارىم-قاتىناس دامۋ تاريحىنداعى جاقسى كەزەڭدەردى باستان كەشىپ وتىرعان كەزدە, ەكى ەل حالىقتارىنىڭ  ءبىرىن-ءبىرى ودان ءارى تانۋعا دەگەن نيەتتەرى كۇننەن-كۇنگە ارتۋدا. وسىعان بايلانىستى, الماتى قالاسىنداعى قىتاي حالىق رەسپۋبليكاسىنىڭ باس كونسۋلدىعى قازاقستان رەسپۋبليكاسىنىڭ ۇلتتىق كىتاپحاناسىمەن بىرلەسىپ, « ۇلى جىبەك جولى – قىتاي مادەنيەتىنىڭ كۇنى» اتتى ءىس-شارا وتكىزبەكشى. ۇيىمداستىرۋشىلاردىڭ الدىنا قويعان ماقساتى – قازاقستاندىق جۇرتشىلىققا قىتايدىڭ شىنايى ءداستۇرلى مادەنيەتىن كورسەتۋ, ەكى ەلدىڭ باۋىرلاس حالىقتارى اراسىنداعى ءوزارا دوستىق پەن تۇسىنىستىكتى ءارى قاراي نىعايتۋ. مادەنيەت كۇنى باعدارلاماسى: قىتايدىڭ تيانتسزين قالاسىنىڭ ونەر قايراتكەرلەرى, قىتاي حالىق اندەرىن, مۋزىكالارىن, پەكين وپەراسىن جانە قىتايدىڭ باسقا دا جەرگىلىكتى مۋزىكالىق درامالارىن ورىندايتىن ءى-ءشى مەملەكەتتىك دارەجەدەگى لي حۋن, ۆان حۋمينا, چجاو تسزين, ۆان بين سەكىلدى ارتىستەردىڭ قاتىسۋىمەن وتەتىن كونتسەرتتەن, سونداي-اق, فوكۋس جانە اكروباتتىق قويىلىمنان, قاراپايىم قىتايلىقتىڭ  كۇندەلىكتى تۇرمىسى, قىتاي قالالارى مەن اۋىلدارىنىڭ قارقىندى ءوسۋى جايلى سۋرەتتەيتىن 60 فوتونى قامتيتىن Tempo of China فوتوكورمەسىنەن, قىتاي كوركەم ءفيلمىنىڭ كورسەتىلىمىنەن تۇرادى. ءىس-شارا قىتايعا جانە قىتاي مادەنيەتىنە قىزىعۋشىلىق تانىتقان بارشا قاۋىمعا ارنالادى. ايناش ەسالي. دەرەك, سۋرەت: egemen.kz.