تالدىقورعاندا قانت ديابەتى ورتالىعى اشىلدى

تالدىقورعان. 25 قاڭتار. تالدىقورعان قالاسىنداعى «نۇر-اۆيتسەنۋم» مەديتسينا ورتالىعىندا ەلىمىز بويىنشا   بىرىنشى   قانت ديابەتى ورتالىعى اشىلدى.  بۇل تۋرالى egemen.kz ءتىلشىسى حابارلادى. ەلباسىنىڭ 5 ينستيتۋتسيونالدىق رەفورماسىن جۇزەگە اسىرۋ جونىندەگى «ۇلت جوسپارى – «100 ناقتى قادامنىڭ» 81 قادامىندا كورسەتىلگەن «جەكەمەنشىك مەديتسينانى دامىتۋ, مەديتسينالىق مەكەمەلەرگە كورپوراتيۆتىك باسقارۋدى ەنگىزۋدى» ىسكە اسىرۋ ماقساتىنداعى يگى قادام بولدى.  وندا الماتى وبلىسى اكىمىنىڭ ورىنباسارى باقتيار ونەرباەۆ, س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ رەكتورى ايقان اقانوۆ   وسى   ورتالىقتىڭ بارلىق  شىعىنىن   مەملەكەت   كوتەرەتىندىكتەن   ەمدەلۋ  تەگىن  بولاتىنىن   باسا  ايتتى. ورتالىقتا ءبىر مەزگىلدە 20 پاتسيەنت ەم قابىلداي الادى. قازىرگى كەزدە 14 ەمدەلۋشى ەم قابىلداۋدا. ولاردىڭ بارلىعى دا – ورتالىققا پورتال ارقىلى كەلگەندەر. مامان-دارىگەرلەر   اتالعان ۋنيۆەرسيتەتتە بىلىمدەرىن ۇشتاپ, تاجىريبەدەن ءوتىپ   كەلەتىندىكتەرى دە   قۇلاعدار   ەتىلدى. جالپى    ۆلاديمير كرايسمان   باسقاراتىن «نۇر-اۆياتسەنۋم» مەديتسينالىق ورتالىعى  ءوڭىر   حالقىنا   ساپالى   مەديتسينالىق   كومەك   كورسەتە   الاتىندىعى   سان   مارتە   دالەلدەنگەندىكتەن    قانت   ديابەتى  ورتالىعىن  اشۋ  لايىق  دەپ   باعالانعانىن   ەرەكشە  ايتا   كەتۋ   كەرەك.  سونىمەن, يگىلىكتى   شارا قانت ديابەتىن ەمدەۋ جولدارى, ونىڭ الدىن الۋ, ساپالى ەم جاسايتىن ءدارى-دارمەك تۇرلەرىنىڭ تانىستىرىلۋىنا ارنالعان شاعىن كونفەرەنتسيامەن اياقتالدى. نۇربول الدىباەۆ. دەرەك: egemen.kz سۋرەت: inform.kz