استانا. 25 قاڭتار. شۋچە قالاسىنداعى قورعانىس مينيسترلىگىنىڭ كادەت كورپۋسىندا قازاقستان رەسپۋبليكاسى قارۋلى كۇشتەرى مەن اقش اراسىنداعى 2016 جىلعا ارنالعان اسكەري قاتىناستار جوسپارىنا سايكەس كادەتتەردى وقىتۋ ادىستەمەسىن جەتىلدىرۋ بويىنشا سەمينار ءوتتى. بۇل تۋرالى egemen.kz ءتىلشىسى حابارلادى.
اتالعان سەمينار قارۋلى كۇشتەردە العاش رەت وتكىزىلىپ وتىر. الدا وسىنداي ءىس-شارالاردى وتكىزۋ كەزىندە زەردەلەۋ مەن تاجىريبە الماسۋ ءۇشىن ىقپالداستىقتى كەڭەيتۋ جوسپارلانۋدا.
اقش قارۋلى كۇشتەرى قۇرلىق اسكەرلەرىنىڭ سەرجانت-مايورلار اكادەمياسىنىڭ سەرجانت-نۇسقاۋشىلارى جەكە قۇرامدى وقىتۋ ادىستەمەسى بويىنشا وقىتۋشى جانە سەرجانتتار قۇرامىمەن جانە نەگىزگى نۇسقاۋ بەرۋشى قۇراممەن ساباق وتكىزدى.
سەميناردا كادەت كورپۋسىنىڭ 25 وقىتۋشىسى مەن سەرجانتى ساباقتى دايارلاۋ, توپپەن جۇمىس ىستەۋ, جوسپار-كونسپەكتىنى ازىرلەۋ, ءوز بەتىنشە جۇمىس جاساۋ جانە ءدارىس الۋشىلاردى باعالاۋدى ۇيىمداستىرۋ ادىستەمەلەرىن پىسىقتادى.
ەستەرىڭىزگە سالا كەتسەك, ش.ءۋاليحانوۆ اتىنداعى قورعانىس مينيسترلىگىنىڭ كادەت كورپۋسى قر قارۋلى كۇشتەرىنىڭ سەرجانتتار قۇرامى لاۋازىمدارىندا كەلىسىمشارت بويىنشا اسكەري قىزمەت اتقارىپ جۇرگەن كىشى كوماندالىق قۇرامعا باستاپقى اسكەري ءبىلىم باعدارلاماسى بويىنشا دايارلىقتى جۇزەگە اسىرادى. 2015 جىلى وقۋدى ەڭ كوپ سەرجانت, ياعني 214 ادام ءبىتىردى. بارلىق كەزەڭدە «اسكەري باسقارۋ» ماماندىعى بويىنشا 2 224 سەرجانت ءبىتىرىپ شىقتى. ولاردىڭ ىشىندە وقۋدى 2012 جىلى – 206, 2013 جىلى – 206, جانە 2014 جىلى 181 سەرجانت اياقتادى.
جىل سايىن قازاقستاننىڭ ارمياسى كاسىبي كەلىسىمشارت اسكەري قىزمەتشىلەرىمەن تولىعىپ جاتىر.
2015 جىلى اسكەري قىزمەتكە كەلىسىمشارت بويىنشا قابىلدانعان اسكەريلەردىڭ ساپاسى ارتتى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.
