الماتىدا بالالار جانە جاسوسپىرىمدەر فۋتبولى قارالادى

استانا. 25 قاڭتار. ەرتەڭ الماتىدا بالۋان شولاق اتىنداعى سپورت سارايىندا قازاقستانداعى بالالار جانە جاسوسپىرىمدەر فۋتبولىنىڭ دامۋىنا ارنالعان كونفەرەنتسيا وتەدى. بۇل تۋرالى egemen.kz ءتىلشىسى حابارلادى. كونفەرەنتسياعا قازاقستان فۋتبول فەدەراتسياسىنىڭ وكىلدەرى, پرەمەر-ليگا مەن ءبىرىنشى ليگا كلۋبتارىنىڭ باسشىلارى, جاستار فۋتبولىن دامىتۋ باعدارلاماسىنىڭ جەتەكشىلەرى, فۋتبول ورتالىقتارىنىڭ جاتتىقتىرۋشىلارى, «جاس قىران» بالالار جانە جاسوسپىرىمدەر ليگاسىنىڭ قاتىسۋشىلارى, سونىمەن قاتار, الماتى قالاسى مەن الماتى وبلىسىنىڭ بالالار جانە جاسوسپىرىمدەر سپورت مەكتەبى مەن جەكە فۋتبول مەكتەبىنىڭ وكىلدەرى قاتىسادى. جيىندا بالالار جانە جاسوسپىرىمدەر فۋتبولىن دامىتۋ ماسەلەلەرى, قازاقستانداعى ءنومىرى ءبىرىنشى سپورتتى دامىتۋ جولدارى قارالادى. كەزدەسۋدىڭ قورىتىندىسى بويىنشا نەگىزگى سۇراقتاردىڭ بارلىعى قازاقستان رەسپۋبليكاسىندا 2016-2026 جىلعى دەيىنگى فۋتبولدى دامىتۋعا ارنالعان باعدارلاماعا ەنگىزىلەدى. كونفەرەنتسيا 26 قاڭتار كۇنى ساعات 09:30-دا باستالادى. داستان كەنجالين. دەرەك, سۋرەت: قازاقستان فۋتبول فەدەراتسياسى.