قوستانايدا بۇرىنعى اكىمىنىڭ ۇستىنەن سوت ءىسى باستالدى

قوستاناي. 25 قاڭتار. قوستاناي قالاسىنىڭ بۇرىنعى اكىمى, «اكىميات ءىسى» اتتى شۋلى ءىستىڭ باستى تۇلعاسى احمەدبەك احمەتجانوۆقا قاتىستى سوت ءىسى باستالدى. بۇل تۋرالى egemen.kz ءتىلشىسى حابارلادى. سوتتى ماماندانلدىرىلعان اۋدانارالىق قىلمىستىق سوتىنىڭ سۋدياسى ەلىك سەرالين جۇرگىزەدى. احمەتجانوۆ وسىعان دەيىن ءۇي قاماعىندا وتىرعان بولاتىن. ول ادۆوكاتى ۆاسيلي بەلونوجكومەن سوتقا ءوزى كەلدى. دابىرلى ءىستىڭ وزگە فيگۋرانتتارى – قالا اكىمىنىڭ بۇرىنعى ورىنباسارى ماقسۇت قاليەۆتى, كاسىپكەرلەر لەونيد ۆاسيلەۆ پەن گاگيك وۆنانياندى جانە سەرگەي بەكتىباەۆتى كونۆوي الىپ كەلدى. ەسكە سالا كەتسەك, وبلىس ورتالىعىنىڭ بۇرىنعى اكىمى احمەدبەك احمەتجانوۆ وتكەن جىلدىڭ 11 قىركۇيەگىندە ءۇي قاماعىنا الىنعان بولاتىن. وعان ءاۋ باستا لاۋازىمدىق قىزمەتىن اسىرا پايدالانعان, كاسىپكەرلىككە كەدەرگى جاساعان دەگەن كىنا تاعىلعان بولاتىن. ەندى سوتقا دەيىنگى تەرگەۋ بارىسىندا 74 ميلليون تەڭگە پارا الدى دەگەن ايىپ قوسىلىپ وتىر. ءنازيرا جارىمبەتوۆا. دەرەك, سۋرەت: egemen.kz.