پورتۋگاليادا جاڭا پرەزيدەنت سايلاندى

استانا. 25 قاڭتار. پورتۋگاليا پرەزيدەنتى بولىپ كونسەرۆاتور مارسەلو رەبەلو دي سوزا سايلاندى. 24 قاڭتار, جەكسەنبى كۇنى وتكەن سايلاۋدا ول 50 پايىزدان كوپ داۋىس جيناپ, ءبىرىنشى تۋردىڭ وزىندە قاجەتتى كورسەتكىشكە قول جەتكىزدى. بۇل تۋرالى Euronews تەلەارناسىنا سىلتەمە جاساعان egemen.kz ءتىلشىسى حابارلادى. رەبەلو دي سوزاعا سوتسيال-دەموكراتيالىق پارتيانىڭ وڭشىل-تسەنتريستەرى قولداۋ ءبىلدىردى. 1990 جىلدارى دي سوزا اتالعان پارتيانىڭ جەتەكشىسى بولدى. سونداي-اق, 67 جاستاعى پورتۋگاليانىڭ جاڭا پرەزيدەنتى بۇرىن ليسسابون ۋنيۆەرسيتەتىندە قۇقىق سالاسى بويىنشا ءدارىس وقىعان. ال سوڭعى جىلدارى ول پورتۋگاليا تەلەۆيزياسىنداعى ەڭ تانىمال ساياسي ساراپشىلاردىڭ ءبىرى بولدى. سايلاۋدا 22 پايىز داۋىس جيعان انتونيو سامپايو دا نوۆوا ەكىنشى ورىن الدى. بۇرىن ليسسابون ۋنيۆەرسيتەتىنىڭ رەكتورى بولعان 61 جاستاعى ساياساتكەردى پورتۋگاليانىڭ ءۇش بىردەي بۇرىنعى پرەزيدەنتى قولداعانىن اتاپ وتكەن ءجون. ءۇشىنشى ورىنعا ەڭ جاس ۇمىتكەر, 39 جاستاعى ماريزا ماتياش تابان تىرەدى. ايتا كەتەيىك, پورتۋگاليانىڭ جاڭا باسشىسى الداعى ناۋرىز ايىنىڭ سوڭىندا قىزمەتىنە كىرىسەدى. ەلامان قوڭىر. دەرەك, سۋرەت: Euronews.