الماتىنىڭ ىشكى وڭىرلىك ءونىمى العاش رەت 8,5 تريلليون تەڭگەدەن استى

الماتى. 25 قاڭتار. اپتا سوڭىندا الماتىنىڭ 2015 جىلعى الەۋمەتتىك-ەكونوميكالىق دامۋىنىڭ قورىتىندىسى بويىنشا وتكەن جيىندا الماتىنىڭ ىشكى وڭىرلىك ءونىمى العاش رەت 8,5 تريلليون تەڭگەدەن اسقانى تۋرالى مالىمدەمە جاسالدى. بۇل تۋرالى egemen.kz ءتىلشىسى حابارلادى. مەگاپوليس بۇكىل ەلىمىز بويىنشا رەسپۋبليكالىق ىشكى جالپى ءونىمنىڭ بەس بولىگىن, بارلىق سالىق ءتۇسىمىنىڭ 27 پايىزىن, كوتەرمە ساۋدانىڭ 48 پايىزىن, بولشەك ساۋدانىڭ 23 پايىزىن, سىرتقى ساۋدا اينالىمىنىڭ التى بولىگىن, ەكىنشى دەڭگەيلى بانكتەردىڭ نەسيە پورتفەلىنىڭ 60 پايىزىن قامتاماسىز ەتەدى. الماتىنىڭ نەگىزگى تابىس كوزى – كىشى جانە ورتا بيزنەس كاسىپورىندارى بولىپ تابىلادى. ولار ىشكى وڭىرلىك ءونىمنىڭ 25 پايىزىن, سالىق جانە باسقا دا تولەمدەردىڭ 43 پايىزىن بەرەدى. سول سياقتى الماتىدا الەۋمەتتىك سالاعا تۇراقتى كوڭىل ءبولىنىپ, ناقتى شارالار اتقارىلۋدا. قازىرگى كەزدە مەملەكەتتىك-جەكە سەرىكتەستىك ارىپتەستىك اياسىندا 25 بالاباقشا سالۋ جوسپارلانعان. جانە بالاباقشا جەتىسپەۋشىلىگىن جويۋ ءۇشىن بوس كوتتەدجدەردى بالاباقشاعا كوشىرۋ جۇمىستارى قولعا الىندى. بۇعان قوسا 2015 جىلى بيزنەستىڭ الەۋمەتتىك جاۋاپكەرشىلىگى اياسىندا الماتىدا 108 بالالاردىڭ ويىن الاڭدارى سالىندى. 2016 جىلى وسىنداي تاعى دا 150 الاڭ سالۋ جوسپارلانۋدا. الاتاۋ اۋدانىندا ۋنيۆەرسيادا نىساندارى بوي كوتەرەدى, 12 مىڭ ورىندى مۇز سارايى, اتلەتتەر اۋىلى, ال مەدەۋ اۋدانىندا 3 مىڭ ورىندى مۇز ارەناسى سالىنۋدا. ايناش ەسالي. دەرەك, سۋرەت: egemen.kz.