تايۆان ارالىندا توسىن تابيعات سالدارىنان 85 ادام قازا تاپتى

استانا. 25 قاڭتار. تايۆاندا وتكەن دەمالىس كۇندەرى اۋا رايىنىڭ كۇرت سۋىتۋىنا بايلانىستى 85 ادام قازا تاپتى. ولاردىڭ باسىم بولىگى سولتۇستىك بولىكتەگى تاويۋان ۋەزدى مەن تايبەە قالاcىنىڭ تۇرعىندارى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سوڭعى ون جىل ىشىندە بولماعان ايازدان ارالدىڭ تاۋلى ايماقتارىندا تولاسسىز قار جاۋدى. ال تايبەە قالاسىندا جەكسەنبى كۇنى اۋا تەمپەراتۋراسى تسەلسي باعامى بويىنشا 4 گرادۋس جىلىلىقتى كورسەتسە دە, تۇرعىندار ءۇشىن قاۋىپتى بولىپ ەسەپتەلەدى. سوڭعى 43 جىل ىشىندە ماڭايدا مۇنداي تومەنگى اۋا كورسەتكىشى بولماعان. اۋا رايىنىڭ قولايسىزدىعى گونكونگ قالاسىنا دا كەرى اسەرىن تيگىزۋدە. بىرەر كۇن بۇرىنعى كورسەتكىش 3 تسەلسي گرادۋس جىلىلىقتى كورسەتتى. مامانداردىڭ ايتۋىنشا, قىتايدىڭ وڭتۇستىگىندەگى سۋبتروپيك ايماققا جاتاتىن قالادا 60 جىلدان بەرى مۇنداي سالقىندىق بولماعان. وسىعان بايلانىستى 60-تان استام تۇرعىن اۋرۋحانالارعا جاتقىزىلدى. ايان ءابدۋالي. دەرەك: تاسس. سۋرەت: slawyanka.info.