ۆولگوگرادتا قوشقار ءوزىن ساتاتىن ادامدى اتىپ جىبەردى

استانا. 24 قاڭتار. ۆولگوگرادتا ءبىر قوشقار ءوزىن ساتپاقشى بولىپ الىپ بارا جاتقان ادامدى مىلتىقپەن اتىپ الدى. بۇل تۋرالى ras.kz سايتىنا سىلتەمە جاساعان egemen.kz ءتىلشىسى حابارلادى. وقىس وقيعا 21 قاڭتار كۇنى قالانىڭ كيروۆ اۋدانىندا بولعان. مىلتىقتىڭ وعىنان اۋىر جاراقات الىپ قالعان ەر كىسى سارپينسكي ارالىنداعى اۋرۋحاناعا جەتكىزىلگەن. دارىگەرلەر زارداپ شەگۋشىنىڭ بەل ومىرتقاسىنا وق تيگەنىن ايتىپ وتىر. بۇقارالىق اقپارات قۇرالدارى وكىلدەرىنە ەر كىسىنىڭ ءوزى ايتقانداي, وقيعا جەكە كولىگىمەن قوشقاردى ساتۋ ءۇشىن بازارعا الىپ بارا جاتقان كەزىندە بولعان. ارتقى ورىندىق جاقتا بايلاۋلى جاتقان جانۋار جولدا قوزاعالاقتاي بەرەدى. ءبىر كەزدە ول جانىندا وقتاۋلى جاتقان توز مىلتىعىنا ءتيىپ كەتەدى. سول كەزدە مىلتىق گۇرس ەتە تۇسەدى... قازىرگى تاڭدا بارلىق جاعداي جان-جاقتى تەكسەرىلىپ جاتىر. قۇقىق قورعاۋ ورگاندارىنىڭ قىزمەتكەرلەرى مۇنى مىلتىقتى ساقتىقپەن پايدالانباۋدان بولعان وقيعا سانايدى. تالعات رايىمبەك. دەرەك, فوتو: ras.kz.