جاپونيادا تولاسسىز جاۋعان قاردان 5 ادام قازا تاپتى

استانا. 24 قاڭتار. جاپونيادا تولاسسىز جاۋعان قاردان 5 ادام قازا تاۋىپ, 200-دەن استام تۇرعىن ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وقيعا جاپونيا ايماعىنداعى 20 پرەفەكتۋرادا بولدى. تۇرعىنداردىڭ كوبى بۇلشىق ەتىنىڭ سوزىلۋى سياقتى جاراقاتتار الدى. قازىرگە دەيىن وسىعان ۇقساس 214 جاعداي تىركەلدى. ناگاساكي, سيمانە قالالارىن قوسقاندا, 6 ايماقتا ەلەكتر جەلىسىنىڭ ىستەن شىعۋىنان جالپى سانى 1,5 مىڭنان استام تۇرعىن ءۇي جارىقسىز قالدى. اۋا رايىنىڭ قولايسىزدىعىنا بايلانىستى بارلىعى 500 اۋە رەيسى كەيىنگە قالدىرىلدى. سونداي-اق, دۇيسەنبى كۇنگى جوسپارعا دا كەرى اسەرىن تيگىزۋى مۇمكىن. جاپونيانىڭ  ۇلتتىق مەتەرەولوگيالىق باسقارماسى كاگوسيما ايماعىندا ورنالاسقان وسيما ارالىندا سوڭعى 115 جىل ىشىندە العاش رەت قار جاۋعانىن مالىمدەدى. اتالعان جەردە 1901 جىلدىڭ 12 اقپانىنان بەرى مۇنداي وقيعا بولماعان. ايان ءابدۋالي. دەرەك: تاسس. سۋرەت: ntv.ru.