پاۆلوداردا جول تالعامايتىن كولىك مۇزعا ءتۇسىپ كەتتى

استانا. 24 قاڭتار. پاۆلوداردا ەكى بالىقشى مىنگەن دجيپ كولىگى ەرتىس وزەنىنىڭ ۇستىمەن ءجۇرىپ كەلە جاتقانىندا, ويىققا تاپ كەلىپ, مۇز استىنا كەتىپ قالدى. بۇل تۋرالى ras.kz-كە سىلتەمە جاساعان egemen.kz حابارلادى. «سالماعى بىرنەشە توننا بولاتىن جول تالعامايتىن كولىك ءوزىنىڭ اۋقىمى ۇلكەندىگىنەن سۋ استىنا كەتكەن جوق – بۇل جەردەگى مۇزدىڭ قالىڭدىعى 70 سانتيمەتردەن اساتىن. كۋاگەرلەردىڭ ايتۋلارىنشا, بالىقشىلاردىڭ تەك جولى بولماعان, ولار قاردىڭ قالىڭدىعىنان وزەن بويىنداعى ويىقتى بايقاماي قالعان. بالىققا باسقا جولمەن بارعان دا, قايتاردا باسقا جاقپەن قايتقان. كولىك ىشىندەگى ەكى جىگىت سوڭعى ساتتە ەسىكتى اشىپ, سىرتقا سەكىرىپ ۇلگەرگەن», – دەلىنگەن حابارلامادا. سونداي-اق, دەرەكتە ەرتىس وزەنىنىڭ پاۆلودار وبلىسى اۋماعىنداعى بولىگىندە مۇز ۇستىندەگى وتكەل-كۇزەرلەردىڭ قاڭتاردان جۇمىس جاساي باستاعانى ايتىلعان. ايتا كەتەيىك, كۋاگەرلەردىڭ حابارلاۋىنشا, جۇرتتىڭ كوبى ارعى بەتكە وتەردە جولدى قىسقارتۋ ءۇشىن ولاردىڭ ورىنا توتەلەپ وتە سالعاندى ءجون كورەدى ەكەن. بۇعان قوسا, قىسقى بالىق اۋلاۋدى ۇناتاتىن بالىقشىلار كوپ جاعدايدا تەحنيكالىق قاۋىپسىزدىكتى ساقتامايدى. تالعات رايىمبەك. دەرەك, سۋرەت: ras.kz.