ارمەنيادا ءبىر وتباسىن تۇگەل قىرعان قىلمىسكەر كىناسىن مويىندادى

استانا. 24 قاڭتار. ارمەنيانىڭ گيۋمري قالاسىندا جەتى ادامنان تۇراتىن ءبىر وتباسىن تۇگەل قىرىپ تاستادى دەگەن ايىپ تاعىلىپ وتىرعان رەسەيدىڭ وسىندا ورنالاسقان اسكەري بازاسىنىڭ قاتارداعى جاۋىنگەرى ۆالەري پەرمياكوۆ سوتتا وسى ايىپتاردى تولىق مويىندادى. بۇل تۋرالى ras.kz-كە سىلتەمە جاساعان egemen.kz حابارلادى. سوتتا سۋديانىڭ قويعان سۇراعىنا پەرمياكوۆ ايىپتاۋدىڭ ءمانى مەن زاڭ جۇزىندەگى كۆاليفيكاتسياسى تولىق تۇسىنىكتى ەكەنىن ايتىپ, ءوزىن ايىپتى دەپ سانايتىنىن جەتكىزدى. ال سۋديانىڭ ناقتى نەگە ايىپتى ەكەنىن اشىپ ايتۋىن سۇراۋىنا ول «بارىنە دە» دەپ جاۋاپ بەردى. بۇدان بۇرىن رەسەي اسكەري قىزمەتكەرى ۆالەري پەرمياكوۆقا ارمياننىڭ گيۋمري قالاسىندا جەتى ادامدى اتىپ ءولتىردى دەگەن ايىپ تاعىلعانى حابارلانعان بولاتىن. تەرگەۋ بولجامى بويىنشا, وتكەن جىلعى 12 قاڭتار كۇنى رەسەي ساربازى گيۋمريدە ورنالاسقان اسكەري بازادان تاڭ الدىندا قاشىپ شىعىپ, قالىڭ ۇيقىدا جاتقان اۆەتيسياندار وتباسىنىڭ جەتى ادامىن اۆتوماتپەن اتىپ كەتكەن. ال التى ايلىق سەرەجانى ول اۆتوماتتىڭ پىشاعىمەن تۇيرەگەن. ءبىر ۇيدەن جالعىز امان قالعان وسى ءسابيدىڭ ءومىرى ءۇشىن دارىگەرلەر ءبىراز كۇرەستى. بىراق بالا ەسىن جيا الماعان كۇيى باقيلىققا كەتىپ قالدى. وسى قاندى قىرعىننان كەيىن پەرمياكوۆ انادولى جەرىنە اسىپ كەتپەك بولعاندا ارميان-تۇرىك شەكاراسىندا قولعا ءتۇستى. تالعات رايىمبەك. دەرەك, سۋرەت: ras.kz.