قىتاي شەكاراسىنان 70 قولتىراۋىندى الىپ وتپەك بولعاندار ۇستالدى

استانا. 23 قاڭتار. قىتايدىڭ گۋانسي-چجۋان اۆتونومدى اۋدانىندا شەكارا ارقىلى ۆەتنام مەملەكەتىنە زاڭسىز جولمەن 70 قولتىراۋىندى الىپ وتپەك بولعاندار ۇستالدى. بۇل تۋرالى سينحۋا اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جەرگىلىكتى پوليتسيا قىزمەتكەرلەرى تەرگەۋ جۇمىستارى كەزىندە قولتىراۋىننىڭ قىزىل كىتاپقا ەنگەن سيام ءتۇرىنىڭ توڭازىتىلعان 70 داناسىن, سونداي-اق, ونىڭ 88 قۇيرىعىن تاركىلەگەن. ارقايسىسىنىڭ دەنە مولشەرى ءبىر مەترگە جەتسە, سالماعى 10 كيلونىڭ كولەمىندە. ال قۇيرىقتارىنىڭ ۇزىندىعى 0,7 مەتر. وزگە ەلگە وتپەك بولعان جۇك كولىگىن شەكاراشىلار اسقان قىراعىلىقپەن باقىلاپ, كونتراباندالىققا جول بەرگەن جوق. ال جۇرگىزۋشى وزىنە تەك ارتىلعان جۇمىستى ورىنداعانىن, سونداي-اق, تاپسىرعاندار كولىك ىشىندە تەڭىز ونىمدەرى تيەلدى دەگەن جالعان سوزبەن شىعارىپ سالعانىن ايتىپ اقتالدى. ايتا كەتەيىك, قولتىراۋىننىڭ سيام ءتۇرى وڭتۇستىك-شىعىس ازيا ەلدەرىندە تىرشىلىك ەتەدى. قازىرگى كەزدە ولار جەر بەتىنەن جويىلىپ كەتۋدىڭ الدىندا تۇر. بۇگىندە ولاردىڭ نەبارى 5 مىڭعا جۋىعى قالعان. ايان ءابدۋالي. دەرەك: سينحۋا. سۋرەت: all-pix.com.