مەكتەپكە سانكتسيا سالىندى

«سانكتسيا» دەگەن سوزدەن قۇلاق سارسىدى. بۇل سانكتسيا دەگەنىڭىزدىڭ جۇرمەيتىن جەرى جوق ەكەن. سولتۇستىكتەگى كورشىمىزدىڭ ەكى اياعىن ءبىر ەتىككە تىققان بۇل شىركىن سارىارقانىڭ سايىن دالاسىندا بۇيىعىپ جاتقان قاراعوي اۋىلىندا نە جوعالتتى ەكەن؟ اقتوعاي اۋدانىنداعى قا­را­عوي اۋىلىنىڭ باستاۋىش مەك­تەبى بىلىكتىلىك تالاپتارىنا ساي كەلمەگەندىكتەن جابىلىپ, سانك­تسيانىڭ شەڭگەلىنە ىلىكتى. نەگە دەسەڭىز, اتالعان مەكتەپتە مەديتسي­نالىق بولمە مەدبيكەسىمەن قوسا جوق ەكەن. اسحانانى اتاماسا دا بولادى. قۇستىڭ ۇياسىنداي عانا قا­راعوي مەكتەبىندە 8 وقۋشى, 2 مۇ­­عالىم جانە 3 تەحنيكالىق قىز­مەت­كەر بولعان. اۋداندىق ءبىلىم بەرۋ ءبولىمىنىڭ باسشىسى قانات باكىروۆتىڭ ايتۋىنشا, ءتيىستى ورىن­دار اتالعان كەمشىلىكتەردى بۇدان ءبىر جىل بۇرىن انىقتاعان ەكەن. بىراق تا, وزىنە دەيىنگى باس­شى كەمشىلىكتەرمەن دەر كە­زىن­دە كۇرەسپەي, ەندى كەلىپ سالعىرتتىقتىڭ كەسىرى مەكتەپكە ءتيىپ وتىر... جاقىندا بولعان سوت وتىرىسى «قاراعوي اۋىلىنىڭ باستاۋىش مەكتەبى» مەكەمەسىن اكىمشىلىك قۇقىق بۇزۋشىلىق جاساعانى ءۇشىن كىنالى دەپ تاپتى. مەكتەپكە مەملە­كەتتىڭ پايداسىنا دەپ 100 ايلىق ەسەپتىك كورسەتكىش كولەمىندە (198 200 تەڭگە) ايىپپۇل سالىندى جانە ول بۇدان بىلاي ءبىلىم بەرۋ ىسىمەن اينالىسۋ قۇقىنان ايىرىلدى. قازىرگى تاڭدا جەرگىلىكتى بي­لىك سانكتسيا سالىنعان قاراعوي مەكتە­بىنىڭ وقۋشىلارى مەن ۇستازدارىن باسقا ءبىلىم ۇياسىنا ورنالاستىرۋمەن اينالىسىپ جاتىر. قايرات ءابىلدينوۆ, «ەگەمەن قازاقستان». قاراعاندى وبلىسى, اقتوعاي اۋدانى.