قازاقستان كوممۋنيستىك حالىق پارتياسىنىڭ مەملەكەت باسشىسىنىڭ جارلىعىن قولداۋ تۋرالى مالىمدەمەسى

قازاقستاننىڭ كوممۋنيستىك حالىق پارتياسى مەملەكەت باسشىسىنىڭ قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن وتكىزۋ تۋرالى جارلىعىن قولدايدى جانە قابىلدانعان شەشىمدى ۋاقتىلى جانە نەگىزدى دەپ سانايدى. دامۋدىڭ زاماناۋي كەزەڭى جاھاندىق ەكونوميكالىق داعدارىسپەن سيپاتتالادى. داعدارىستىڭ سالدارىن قاراپايىم ەڭبەك ادامدارى مەن قوعامنىڭ ەڭ ءالسىز قورعالعان جىكتەرى اسا وتكىر سەزىنەدى. كۇردەلى كەزەڭدە مەملەكەتتىڭ قاي دامۋ جولى قوعام مۇددەسىنە جاۋاپ بەرەتىنىن جانە قانداي پارتيالار سايلاۋشىلار ەركىن جاۋاپكەرشىلىكپەن ورىنداي الاتىنىن بىرلەسىپ شەشۋدىڭ ماڭىزى زور. جۇرتشىلىقتى جۇمىلدىرا ءبىلۋ بارلىق الەۋمەتتىك توپتاردىڭ مۇددەسى ءۇشىن كۇرەسەتىن حالىق سەنىمى پارلامەنتىن جاساقتاۋعا مۇمكىندىك بەرەدى. بۇل «100 ناقتى قادام» ۇلت جوسپارى شەڭبەرىندە جۇرگىزىلە باستاعان رەفورمالارعا جاڭا سەرپىن بەرىپ, كەڭ اۋقىمدى بۇكىلحالىقتىق قولداۋعا يە بولعان پارلامەنتتىڭ جاڭا قۇرامدا قارقىندى جۇمىسقا كىرىسۋلەرىنە جاعداي تۋعىزادى.