«بىرلىك» ساياسي پارتياسىنىڭ قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن وتكىزۋگە بايلانىستى
مالىمدەمەسى
قازاقستاننىڭ «بىرلىك» دەموكراتيالىق پارتياسى پارتيا مۇشەلەرىنىڭ اتىنان قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن وتكىزۋ تۋرالى مەملەكەت باسشىسى قابىلداعان شەشىمدى قولدايدى. ءماجىلىس مەملەكەت دامۋىنىڭ قازىرگى كەزەڭىندە ەلىمىزدى جاڭعىرتۋدىڭ كەشەندى ستراتەگياسىنىڭ نەگىزگى ەلەمەنتتەرىنىڭ ءبىرى بولىپ تابىلاتىن «100 ناقتى قادام» ۇلت جوسپارىن جۇزەگە اسىرۋ ءۇشىن زاڭنامالىق نەگىز قالىپتاستىرۋ بويىنشا ماڭىزدى مىندەتتى ورىندادى. بۇكىل دۇنيەجۇزى باستان كەشىپ وتىرعان ايتارلىقتاي كۇردەلى ەكونوميكالىق جاعدايدا حالىقتىڭ بيلىكتىڭ زاڭ شىعارۋشى تارماعىنا سەنىم مانداتىن قۋاتتاۋى ءبىرىنشى كەزەكتەگى مىندەت بولىپ تابىلادى. ءبىز كەزەكتەن تىس سايلاۋدىڭ مەملەكەتكە ءوز نازارىن داعدارىسقا قارسى ساياساتتى جۇزەگە اسىرۋعا اۋدارىپ, جاھاندىق داعدارىستىڭ ىقپالىن تابىستى ەڭسەرۋگە مۇمكىندىك بەرەتىنىنە سەنىمدىمىز. ءبىزدىڭ پارتيامىز ەلباسىنىڭ كەزەكتەن تىس سايلاۋ وتكىزۋ تۋرالى شەشىمىن قۋانا قۇپتايدى. سايلاۋ – مىندەتى ەل بىرلىگىن نىعايتۋ بولىپ تابىلاتىن ءار قازاقستاندىق ءۇشىن ماڭىزدى پاتريوتتىق قادام.
