قازاقستان رەسپۋبليكاسى اۋعان جانە جەرگىلىكتى سوعىستار ارداگەرلەرى وداعىنىڭ «بەسىنشى شاقىرىلعان پارلامەنت ءماجىلىسىن تاراتۋ,
سونداي-اق, پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا بايلانىستى
مالىمدەمەسى
ءبىز, قازاقستان رەسپۋبليكاسى اۋعان جانە جەرگىلىكتى سوعىستار ارداگەرلەرى وداعىنىڭ مۇشەلەرى مەملەكەت باسشىسى جارلىعىنىڭ دۇرىس شەشىم ەكەندىگىنە سەنىمدىمىز. ەلباسى مەجەلەپ بەرگەن باعىتقا سايكەس, بۇگىندە بارشا قازاقستاندىقتاردىڭ الدىندا بەس ينستيتۋتتىق رەفورما مەن ەلىمىزدىڭ الەمدىك داعدارىسقا قارسى ستراتەگياسىن جۇزەگە اسىرۋ سىندى ماڭىزدى مىندەتتەر تۇر. سونىمەن بىرگە, الەمدىك ەكونوميكانىڭ بەتالىسىنا قاراساق, الدىمىزدى سىن كەزەڭ كەس-كەستەيدى. ەندەشە, جاھاندىق داعدارىستىڭ كەلەسى, قۋاتتى تولقىنى كەلمەي تۇرىپ, ەلىمىزدىڭ سايلاۋ ناۋقانىنان تەزىرەك ءوتىپ العانى جانە باسقا ەشتەڭەگە الاڭداماي, داعدارىسقا قارسى شارالاردى مۇقيات جۇزەگە اسىرعانى ايرىقشا ماڭىزدى. وسى جاۋاپتى ءساتتى پايدالانىپ, پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋلارىن وتكىزۋ تۋرالى جارلىققا تولىقتاي قولداۋ بىلدىرەتىنىمىزدى مالىمدەيمىز جانە بارشا حالقىمىزدى وسى شەشىم توڭىرەگىندە ۇيىسۋعا شاقىرامىز.
