مەملەكەت باسشىسى اقمولا وبلىسىنىڭ اكىمىن قابىلدادى

استانا. 21 قاڭتار. مەملەكەت باسشىسى اقمولا وبلىسىنىڭ اكىمى سەرگەي كۋلاگيندى قابىلدادى. بۇل تۋرالى akorda.kz حابارلادى. كەزدەسۋ بارىسىندا سەرگەي كۋلاگين مەملەكەت باسشىسىنا ءوڭىردىڭ قازىرگى الەۋمەتتىك-ەكونوميكالىق دامۋى مەن الداعى كەزەڭگە ارنالعان مىندەتتەرى تۋرالى باياندادى. نۇرسۇلتان نازارباەۆ بۇگىندە وبلىستار اراسىندا ءوزارا تاۋار الماسۋدى كۇشەيتۋ قاجەتتىگىن, سول ماقساتپەن ءار وڭىردە ءوندىرىس پەن تۇتىنىس تەڭگەرىمىن جۇرگىزۋ كەرەكتىگىن اتاپ ايتتى. اقمولا وبلىسىنىڭ اكىمى 2015 جىلى ونەركاسىپ ءوندىرىسىنىڭ ناقتى كولەمى – 6,9 پايىزعا, اۋىل شارۋاشىلىعى ونىمدەرى – 2,1 پايىزعا جانە قۇرىلىس جۇمىستارى 6,1 پايىزعا وسكەنىن جەتكىزدى. سەرگەي كۋلاگين وڭىردە ازىق-ت ۇلىك تاۋارلارى باعاسىنىڭ ءوسىمىن تەجەۋ ءۇشىن قابىلدانىپ جاتقان شارالار تۋرالى ايتتى. سونداي-اق, مەملەكەت باسشىسىنا يندۋستريالاندىرۋ كارتاسىنىڭ جۇزەگە اسىرىلۋ بارىسى تۋرالى دا باياندالدى. سوڭعى ەكى جىلدا يندۋستريالىق-يننوۆاتسيالىق دامۋ باعدارلاماسى اياسىندا جالپى قۇنى 63,6 ميلليارد تەڭگە بولاتىن 21 جوبا ىسكە قوسىلىپ, 1,7 مىڭنان استام جۇمىس ورنى اشىلعان. سونىمەن قاتار, استانانىڭ «ازىق-ت ۇلىك بەلدەۋى» اياسىنداعى پەرسپەكتيۆالى جوبالار تالقىلاندى. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. ەلامان قوڭىر. دەرەك, سۋرەت: akorda.kz.