قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-03/94 

2015 جىلعى 11 اقپان, استانا قالاسى سۋ ايدىندارىن حالىقارالىق جانە رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2004 جىلعى 9 شىلدەدەگى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» زاڭىنىڭ 9-بابى 1-تارماعىنىڭ 45) تارماقشاسىنا سايكەس, بۇيىرامىن: 1. قوسا بەرىلىپ وتىرعان سۋ ايدىندارىن حالىقارالىق جانە رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ قاعيدالارىن بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى مىنالاردى: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مامىتبەكوۆ. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 11 اقپانداعى №18-03/94 بۇيرىعىمەن بەكىتىلگەن سۋ ايدىندارىن حالىقارالىق جانە رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ قاعيدالارى 1. جالپى ەرەجەلەر 1. وسى سۋ ايدىندارىن حالىقارالىق جانە رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ قاعيدالارى (بۇدان ءارى – قاعيدا) قازاقستان رەسپۋبليكاسىنىڭ 2004 جىلعى 9 شىلدەدەگى «جانۋارلار دۇنيەسىن قورگاۋ, ءوسىمىن مولايتۋ جانە پايدالانۋ تۋرالى» زاڭىنىڭ (بۇدان ءارى – زاڭ) 9-بابى 1-تارماعىنىڭ 45) تارماقشاسىنا سايكەس ازىرلەندى جانە سۋ ايدىندارىن حالىقارالىق جانە رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ ءتارتىبىن ايقىندايدى. 2. وسى قاعيدادا مىناداي ۇعىمدار پايدالانىلادى: 1) اۋماقتىق بولىمشەلەر – قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق بولىمشەلەرى; 2) ۆەدومستۆو – قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى; 3) سۋلى-باتپاقتى القاپتار – جانۋارلاردىڭ سيرەك كەزدەسەتىن جانە جويىلىپ كەتۋ قاۋىپى تونگەن تۇرلەرىن قوسا العاندا, سۋ توڭىرەگىن مەكەندەيتىن تۇرلەرى جاپپاي مەكەندەيتىن, ۇيا سالاتىن, ءوسىمىن مولايتاتىن ورىندار بولىپ تابىلاتىن تابيعي (سۋ قايتقان كەزدە تەرەڭدىگى التى مەتردەن اساتىن اكۆاتوريالاردى قوسپاعاندا) جانە جاساندى اكۆاتوريلەر; 4) رامسار كونۆەنتسياسى – ەڭ الدىمەن سۋدا جۇزەتىن قۇستاردىڭ تىرشىلىك ەتۋ ورنى رەتىندە حالىقارالىق ماڭىزى بار سۋلى-باتپاقتى القاپتار تۋرالى كونۆەنتسيا, وعان قازاقستان رەسپۋبليكاسى «قازاقستان رەسپۋبليكاسىنىڭ ەڭ الدىمەن سۋدا جۇزەتىن قۇستاردىڭ تىرشىلىك ەتۋ ورنى رەتىندە حالىقارالىق ماڭىزى بار سۋلى-باتپاقتى القاپتار تۋرالى كونۆەنتسياعا (وعان 1982 جىلعى 3 جەلتوقسانداعى پاريج حاتتاماسىمەن ەنگىزىلگەن تۇزەتۋلەرمەن جانە 1987 جىلعى 28 مامىردا رەجيندە ەنگىزىلگەن تۇزەتۋلەرمەن) قوسىلۋى تۋرالى» قازاقستان رەسپۋبليكاسىنىڭ 2005 جىلعى 13 جەلتوقسانداعى زاڭىنا سايكەس قوسىلعان بولاتىن; 5) رامسار كونۆەنتسياسىنىڭ سەكرەتارياتى – تابيعات پەن تابيعي رەسۋرستاردى قورعاۋ جونىندەگى حالىقارالىق وداق رامسار كونۆەنتسياسى جۇكتەيتىن تۇراقتى جۇمىس ىستەيتىن بيۋرونىڭ مىندەتتەرىن ورىندايدى; 6) ۋاكىلەتتى ورگان – قازاقستان رەسپۋبليكاسى اۋىل شارۋاشىلىعى مينيسترلىگى. 2. سۋ ايدىندارىن حالىقارالىق ماڭىزى بار سۋلى-باتپاقتى القاپتارعا جاتقىزۋ ءتارتىبى 3. سۋ ايدىندارىن حالىقارالىق ماڭىزى بار سۋلى-باتپاقتى القاپتارعا جاتقىزۋ ءۇشىن اۋماقتىق بولىمشەلەر سۋ ايدىندارىن مىنا ولشەمدەرگە سايكەستىگىنە تەكسەرۋدى ۇيىمداستىرادى: 1) سۋلى-باتپاقتى ەكوجۇيەلەردىڭ ءتيىستى بيوگەوگرافيالىق ءوڭىر ءۇشىن ەتالوندى, سيرەك كەزدەسەتىن نەمەسە بىرەگەي ءتۇرىنىڭ مىسالى بولىپ تابىلادى جانە تابيعي كۇيدە نەمەسە تابيعي كۇيگە جاقىن احۋالدا بولادى; 2) وسال نەمەسە جويىلىپ كەتۋ قاۋپى تونگەن تۇرلەردىڭ نەمەسە قاۋىمداستىقتاردىڭ تىرشىلىك ەتۋىن ساقتايدى; 3) ءتيىستى بيوگەوگرافيالىق ءوڭىردىڭ بيولوگيالىق ارتۇرلىلىگىن ساقتاۋ ءۇشىن ماڭىزى زور وسىمدىكتەر جانە (نەمەسە) جانۋارلار تارالىمدارىنىڭ تىرشىلىك ەتۋىن قامتاماسىز ەتەدى; 4) وزدەرىنىڭ بيولوگيالىق تسيكلىنىڭ قاۋىپتى ساتىسىنداعى وسىمدىكتەر جانە (نەمەسە) جانۋارلار تۇرلەرى مەكەندەيتىن ورىن بولىپ تابىلادى نەمەسە قولايسىز اۋا رايى جاعدايلارىندا ولاردىڭ بوي تاسالاۋىن قامتاماسىز ەتەدى; 5) كەمىندە جيىرما مىڭ سۋ قۇستارىنىڭ تىرشىلىك ەتۋىنە ۇدايى قولداۋ جاسايدى; 6) سۋ قۇستارىنىڭ الدەقانداي ءتۇرى نەمەسە تۇرشەسى تارالىمىنداعى داراقتاردىڭ ءبىر پايىزى تىرشىلىك ەتۋىنە ۇدايى قولداۋ جاسايدى; 7) بالىقتاردىڭ جەرگىلىكتى تۇرشەلەرى, تۇرلەرى نەمەسە تۇقىمداستارى وكىلدەرىنىڭ ەداۋىر مولشەرىنىڭ, ولاردىڭ بيولوگيالىق تسيكلى ساتىلارىنىڭ تىرشىلىك ەتۋىن, سۋلى-باتپاقتى القاپتىڭ ەكولوگيالىق جانە (نەمەسە) ەكونوميكالىق قۇندىلىعىنىڭ ينديكاتورلارى بولىپ تابىلاتىن تۇرلەردىڭ جانە (نەمەسە) تارالىمداردىڭ ءوزارا ارەكەتتەسۋىن قامتاماسىز ەتەدى; 8) بالىقتار ءۇشىن ماڭىزدى ازىق كوزى, ۋىلدىرىق شاشاتىن ورىن, بالىق پيتومنيگى بولىپ تابىلادى جانە (نەمەسە) جىلىستاۋ جولىندا جاتىر. 4. تەكسەرۋ ناتيجەلەرى بويىنشا اۋماقتىق بولىمشەلەر ۆەدومستۆوعا سۋ ايدىندارىن حالىقارالىق ماڭىزى بار سۋلى-باتپاقتى القاپتارعا ەنگىزۋ تۋرالى ۇسىنىس ەنگىزەدى. 5. اۋماقتىق بولىمشەلەردىڭ ۇسىنىستارىن قاراۋ قورىتىندىلارى بويىنشا ۆەدومستۆو ديپلوماتيالىق ارنالار ارقىلى رامسار كونۆەنتسياسىنىڭ سەكرەتارياتىنا سۋ ايدىندارىن حالىقارالىق ماڭىزى بار سۋلى-باتپاقتى القاپتارعا ەنگىزۋ ءۇشىن ولاردىڭ ءتىزىمىن جىبەرەدى. 6. رامسار كونۆەنتسياسىنىڭ حاتشىلىعى سۋ ايدىندارىنىڭ تىزبەسىن حالىقارالىق ماڭىزى بار سۋلى-باتپاقتى القاپتاردىڭ تىزىمىنە ەنگىزۋ ءۇشىن ولاردى ماقۇلداعاننان كەيىن ۋاكىلەتتى ورگان زاڭنىڭ 9-بابى 1-تارماعىنىڭ 18) تارماقشاسىنا سايكەس حالىقارالىق ماڭىزى بار سۋلى-باتپاقتى القاپتاردىڭ ءتىزىمىن بەكىتەدى نە قولدانىستاعى تىزىمگە وزگەرىستەر مەن تولىقتىرۋلار ەنگىزەدى. 3. سۋ ايدىندارىن رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ ءتارتىبى 7. سۋ ايدىندارىن رەسپۋبليكالىق ماڭىزى بار سۋلى-باتپاقتى القاپتارعا جاتقىزۋ ءۇشىن اۋماقتىق بولىمشەلەر سۋ ايدىندارىن مىنا ولشەمدەرگە سايكەستىگىنە تەكسەرۋ ۇيىمداستىرادى: 1) كەمىندە ون مىڭ سۋ قۇستارىنىڭ تىرشىلىك ەتۋىنە ۇدايى قولداۋ جاسايدى; 2) توپتاسىپ جينالاتىن سۋدا جۇزەتىن قۇستار مەن سۋ توڭىرەگىن مەكەندەيتىن قۇستاردىڭ بيوگەوگرافيالىق تارالىمىنىڭ كەمىندە ءبىر پايىزى مەكەندەيتىن ورىن بولىپ تابىلادى. 8. تەكسەرۋ ناتيجەلەرى بويىنشا اۋماقتىق بولىمشەلەر سۋ ايدىندارىن رەسپۋبليكالىق ماڭىزى بار سۋلى-باتپاقتى القاپتارعا ەنگىزۋ تۋرالى ۇسىنىس ەنگىزەدى. 9. اۋماقتىق بولىمشەلەردىڭ ۇسىنىستارىن قاراۋ قورىتىندىلارى بويىنشا ۋاكىلەتتى ورگان زاڭنىڭ 9-بابى 1-تارماعىنىڭ 18) تارماقشاسىنا سايكەس رەسپۋبليكالىق ماڭىزى بار سۋلى-باتپاقتى القاپتار ءتىزىمىن بەكىتەدى نە قولدانىستاعى تىزىمگە وزگەرىستەر مەن تولىقتىرۋلار ەنگىزەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10441 بولىپ ەنگىزىلدى.