قازاقستان رەسپۋبليكاسى ۇكىمەتىنىڭ قاۋلىسى  №1176

2015 جىلعى 31 جەلتوقسان, استانا, ۇكىمەت ءۇيى كوشىرمە جاساۋعا نەمەسە باسىپ شىعارۋعا جۇمسالاتىن ناقتى شىعىنداردىڭ مولشەرىن جانە ولاردى اقپارات يەلەنۋشىگە تولەۋ ءتارتىبىن, سونداي-اق حالىقتىڭ الەۋمەتتىك جاعىنان وسال توپتارىن كوشىرمە جاساۋعا نەمەسە باسىپ شىعارۋعا جۇمسالاتىن شىعىنداردى تولەۋدەن بوساتۋ ءتارتىبىن بەكىتۋ تۋرالى «اقپاراتقا قول جەتكىزۋ تۋرالى» 2015 جىلعى 16 قاراشاداعى قازاقستان رەسپۋبليكاسى زاڭىنىڭ 11-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كوشىرمە جاساۋعا نەمەسە باسىپ شىعارۋعا جۇمسالاتىن ناقتى شىعىنداردىڭ مولشەرىن جانە ولاردى اقپارات يەلەنۋشىگە تولەۋ ءتارتىبىن, سونداي-اق حالىقتىڭ الەۋمەتتىك جاعىنان وسال توپتارىن كوشىرمە جاساۋعا نەمەسە باسىپ شىعارۋعا جۇمسالاتىن شىعىنداردى تولەۋدەن بوساتۋ ءتارتىبى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1176 قاۋلىسىمەن بەكىتىلگەن كوشىرمە جاساۋعا نەمەسە باسىپ شىعارۋعا جۇمسالاتىن ناقتى شىعىنداردىڭ مولشەرىن جانە ولاردى اقپارات يەلەنۋشىگە تولەۋ ءتارتىبىن, سونداي-اق حالىقتىڭ الەۋمەتتىك جاعىنان وسال توپتارىن كوشىرمە جاساۋعا نەمەسە باسىپ شىعارۋعا جۇمسالاتىن شىعىنداردى تولەۋدەن بوساتۋ ءتارتىبى ناقتى شىعىنداردىڭ مولشەرى 1. سۇراۋ سالىناتىن قۇجاتتاردىڭ جانە (نەمەسە) ماتەريالداردىڭ كوشىرمەلەرىن جاساۋعا جۇمسالاتىن شىعىنداردى اقپارات پايدالانۋشى مىناداي مولشەردە تولەيدى: سۇراۋ سالىناتىن اقپارات ا4 پىشىمىندە ۇسىنىلعان جاعدايدا – سۇراۋ سالىناتىن اقپاراتتىڭ ءاربىر پاراعى ءۇشىن ايلىق ەسەپتىك كورسەتكىشتىڭ 0,1 %-ى; سۇراۋ سالىناتىن اقپارات ا3 پىشىمىندە ۇسىنىلعان جاعدايدا – سۇراۋ سالىناتىن اقپاراتتىڭ ءاربىر پاراعى ءۇشىن ايلىق ەسەپتىك كورسەتكىشتىڭ 0,2 %-ى; سۇراۋ سالىناتىن اقپارات ا2 نەمەسە ا1 پىشىمدەرىندە ۇسىنىلعان جاعدايدا – سۇراۋ سالىناتىن اقپاراتتىڭ ءاربىر پاراعى ءۇشىن ايلىق ەسەپتىك كورسەتكىشتىڭ 2 %-ى; سۇراۋ سالىناتىن اقپارات ا0 پىشىمىنەن اساتىن پىشىمدە ۇسىنىلعان جاعدايدا – سۇراۋ سالىناتىن اقپاراتتىڭ ءاربىر پاراعى ءۇشىن ايلىق ەسەپتىك كورسەتكىشتىڭ 5 %-ى. كوشىرمە جاساۋعا نەمەسە باسىپ شىعارۋعا جۇمسالاتىن ناقتى شىعىنداردى تولەۋ ءتارتىبى 2. اقپارات يەلەنۋشى مەنشىك نىسانىنا قاراماستان, سۇراۋ سالىناتىن اقپاراتتى وسى قاۋلىنىڭ تالاپتارىن ەسكەرە وتىرىپ, وزىندە بار قۇجاتتار جانە (نەمەسە) ماتەريالدار كولەمىندە جانە پىشىمىندە ۇسىنادى. 3. اقپارات يەلەنۋشى 1-تارماققا سايكەس ناقتى شىعىنداردىڭ قۇنىن ەسەپتەيدى جانە اقپارات پايدا­لا­نۋشىعا بەلگىلەنگەن تارتىپپەن الىنعان سۇراۋدىڭ تىركەلگەن كۇنىنەن باستاپ 7 جۇمىس كۇن ىشىندە شوت ۇسىنادى. بۇل رەتتە اقپارات يەلەنۋشى: 1) سۇراۋ سالىناتىن قۇجاتتىڭ جانە (نەمەسە) ماتەريالدىڭ كولەمى مەن ءپىشىمىن; 2) سۇراۋ سالىناتىن قۇجاتتاردىڭ جانە (نەمەسە) ماتەريالداردىڭ كوشىرمەلەرىن جاساۋعا جۇمسالعان شىعىستار مولشەرىن; 3) سۇراۋ سالىناتىن اقپاراتتى ۇسىنۋ ءۇشىن تولەمدى اۋدارۋعا تولەم قۇجاتىن تولتىرۋ ءۇشىن قاجەتتى اقپاراتتى; 4) سۇراۋ سالىناتىن اقپاراتتى ۇسىنۋ ءۇشىن اقپارات پايدالانۋشىنىڭ تولەمدى ەنگىزۋىنىڭ ون بەس كۇنتىزبەلىك كۇننەن اسپايتىن مەرزىمىن كورسەتەدى. 4. اقپارات يەلەنۋشى مەملەكەتتىك ورگان نەمەسە مەملەكەتتىك ورگان بولىپ تابىلمايتىن مەملەكەتتىك مەكەمە بولعان جاعدايدا, اقپاراتتى پايدالانۋشى اقپاراتتى ۇسىنۋ ءۇشىن تولەمدى 2-تارماققا سايكەس مەملەكەتتىك بيۋدجەتكە اۋدارۋدى جۇزەگە اسىرادى. 5. اقپارات يەلەنۋشى كۆازيمەملەكەتتىك سەكتور سۋبەكتىسى بولىپ تابىلسا, سونداي-اق ەگەر اقپارات زاڭدى تۇلعالاردان سۇراۋ سالىنعان جاعدايدا, ولارعا مەملەكەتتىك بيۋدجەتتەن بولىنگەن قاراجاتتى پايدالانۋعا, ونىڭ يەلىگىندەگى ەكولوگيالىق اقپاراتقا قاتىستى, توتەنشە جاعدايلار تۋرالى, تابيعي جانە تەحنوگەندىك اپاتتار, ولاردىڭ بولجامدارى مەن سالدارى, ءورت قاۋىپسىزدىگىنىڭ جاي-كۇيى, سانيتاريالىق-ەپيدەميولوگيالىق جانە رادياتسيالىق جاعداي, تاماق ونىمدەرىنىڭ قاۋىپسىزدىگى جانە ەلدى مەكەندەردىڭ, ءوندىرىس وبەكتىلەرىنىڭ جانە ازاماتتاردىڭ قاۋىپسىزدىگى مەن دەنساۋلىعىنا كەرى اسەرى بار باسقا دا فاكتورلار, سونداي-اق باسىم نەمەسە مونوپوليالىق جاعدايداعى نارىق سۋبەكتىلەرى وندىرەتىن (وتكىزەتىن), تاۋارلار (جۇمىستار, كورسەتىلەتىن قىزمەتتەر) باعالارى بولىگىندەگى اقپارات پايدالانۋشى 2-تارماققا سايكەس اقپاراتتى ۇسىنۋ ءۇشىن تولەمدى اقپارات يەلەنۋشىنىڭ ەسەپشوتىنا اۋدارادى. 6. اقىلى نەگىزدە بەرىلەتىن اقپارات 2-تارماقتىڭ تالاپتارىنا سايكەس كورسەتىلگەن اقپاراتتىڭ ۇسىنىلعانى ءۇشىن اقپارات پايدالانۋشى تولەم جۇرگىزگەننەن جانە اقپاراتتى يەلەنۋشىگە تولەنگەنىن راستايتىن تولەم قۇجاتى ۇسىنىلعاننان كەيىن جولدانادى (بەرىلەدى). حالىقتىڭ الەۋمەتتىك جاعىنان وسال توپتارىن كوشىرمە جاساۋعا جانە باسىپ شىعارۋعا جۇمسالاتىن شىعىنداردى تولەۋدەن بوساتۋ ءتارتىبى 7. كوشىرمە جاساۋعا نەمەسە باسىپ شىعارۋعا جۇمسالاتىن ناقتى شىعىنداردى تولەۋدەن مىناداي الەۋمەتتىك وسال توپتارعا جاتاتىن اقپارات پايدالانۋشىلار بوساتىلادى: 1) ۇلى وتان سوعىسىنىڭ مۇگەدەكتەرى جانە قاتىسۋشىلارى; 2) ۇلى وتان سوعىسىنىڭ قاتىسۋشىلارىنا جانە مۇگەدەكتەرىنە تەڭەستىرىلگەن ادامدار; 3) 1 جانە 2-توپتاعى مۇگەدەكتەر; 4) مۇگەدەك بالالارى بار نەمەسە ولاردى تاربيەلەۋشى وتباسىلار; 5) قازاقستان رەسپۋبليكاسىنىڭ ۇكىمەتى بەكىتەتىن اۋرۋلار تىزىمىندە كورسەتىلگەن كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار; 6) جاسى بويىنشا زەينەتكەرلەر; 7) جەتىم بالالار جانە اتا-اناسىنىڭ قامقورلىعىنسىز قالعان بالالار, كامەلەتتىك جاسقا دەيىن اتا-اناسىنان ايىرىلعان جيىرما توعىز جاسقا تولماعان بالالار (مۇنداي ادامدار اسكەري قىزمەتكە شاقىرۋ كەزىندە جاسى جەدەل اسكەري قىزمەتتى وتكەرۋ مەرزىمىنە ۇزارتىلادى); 8) ورالماندار; 9) ەكولوگيالىق ءزىلزالالار, تابيعي جانە تەحنوگەندىك سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار; 10) كوپ بالالى وتباسىلار; 11) مەملەكەتتىك نەمەسە قوعامدىق مىندەتتەردى اتقارۋ, اسكەري قىزمەتتە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ, ادام ءومىرىن قۇتقارۋ, قۇقىقتىق ءتارتىپتى قورعاۋ كەزىندە قازا بولعان (قايتىس بولعان) ادامداردىڭ وتباسىلارى; 12) تولىق ەمەس وتباسى. 8. 7-تارماقتا كورسەتىلگەن اقپاراتتى پايدالانۋشىلار اقپارات يەلەنۋشىگە ءتيىستى مارتەبەسىن راستايتىن قۇجاتتاردى ۇسىنعان كەزدە تولەمنەن بوساتىلادى. 9. ءتيىستى مارتەبەنى راستايتىن قۇجاتتاردى ۇسىنۋ مەرزىمى 3-تارماقتىڭ 4) تارماقشاسىندا كورسەتىلگەن مەرزىمنەن اسپاۋى قاجەت.