ايقىن جول – جوعارى ماقسات

ەلباسىمىز نۇرسۇلتان نازارباەۆ 2016 جىلدىڭ العاشقى كۇندەرىنىڭ بىرىندە حالقىمىزعا ارناعان «ۇلت جوسپارى – قازاق­ستان­دىق ارمانعا باستايتىن جول» دەپ اتالاتىن ماقالاسىندا ۇلاعاتتى اڭگىمە ايتتى. مۇنىڭ ءسال الدىندا, وتكەن 2015 جىلدىڭ سوڭىندا قازاقستان حالقىنا ءوزى­نىڭ جولداۋىن جاريالادى. بۇل اقپارات, ماتەريالدار ماڭىزى قا­زىرگى الەمدىك جان-جاقتى تەرەڭ داعدارىس كورىپ جاتقان ەلدەر تۇرعىسىنان قاراساق, حالقىمىزعا جاساعان ناقتى يدەولوگيالىق باس­تاما, الاڭداۋشىلىققا قارسى سەنىم تىرەگى دەۋگە بولادى. بۇكىل الەم ءتۇرلى داعدارىستان ەلىن قالاي امان ساقتاۋ ءۇشىن نە ىستەرىن بىلمەي, ساسقالاقتاپ تۇرعاندا نۇرسۇلتان نازارباەۆتىڭ ايتقاندارى ءبىز ءۇشىن دانالىق باعدارلاما, ەلدى تابىسقا جىگەر­لەندىرەتىن رۋحاني قۋات دەۋگە تۇرادى. جاريالانعان ماتەريالدار اۋقىمىن ءىرى دامىعان باتىستىق ەلدەر جاعدايىمەن سالىستىرىپ قاراساق, ماڭىزى وتە جوعارى, ايقىن ەكەندىگى بايقالادى. كۇنى كەشە عانا تەلەديداردان اقش پرەزيدەنتى باراك وباما ءوز ەلىنىڭ كونگرەسىنە جولداۋىن وتكىزە الماي قينالىپ تۇرعانىن كورىپ تاڭداندىق. ونىڭ بەر جاعىندا فرانتسيا پرەزيدەنتى, انگليا پرەمەرى, گەرمانيا كانتسلەرى, باسقا ەۋروپا ەلدەرى باسشىلارى ءوز ەلدەرىن داعدارىستان قالاي امان الىپ شىعۋ جولىن تابا الماي, دەمى تاۋسىلىپ تۇرعانىن ەسكە الساق, ەڭ الدىمەن, ول ەل باسشىلارى ءوز ەلىنىڭ حالقىنا نە ايتارىن بىلمەي داعدارعانىن كورەمىز. حالىق ايتادى: «نە ەكسەڭ, سونى وراسىڭ» دەپ. باتىس ەلدەرى, وزىمەن ءوزى جاتقان تاياۋ شىعىس, اراب ەلدەرىنە ب ۇلىك سالىپ, يراك, ليۆيا, باسقا ەلدەردى تالقانداپ, حالىقتارىن قىرعىنعا ۇشىراتىپ, بىرىنە ءبىرىن جاۋ ەتىپ, ولاردىڭ اشۋىن ۇشقىندىردى. ناتيجەسىندە ەلى, جەرى ورتەنىپ جاتقان سورلى حالىق تۋعان جەرىن, وسكەن ەلىن تاستاپ, جوقشىلىق قىسپاعىنان ەۋروپاعا شۇبىرىپ, سودان پانا ىزدەدى. قازىرگى قىستىڭ كوزى قىراۋدا ءجۇز مىڭداعان بوسقىندار ەۋروپا جەرىنە, حالقىنا قيىندىق تۋدىرۋدا. ويتكەنى, ولارعا باسپانا, جەيتىن تاماق, جىلى كيىم كەرەك, ايتپەسە قىرىلادى. مىنە, وسىنداي الەمدىك جاعدايدا ءبىزدىڭ ەلىمىزدە, ەلباسىمىز ايتقان پىكىرلەرى حال­قىمىزدىڭ ارمانعا جەتۋ جولىن اشىپ كورسەتۋدە. ول ارمان, ارينە, ەل تىنىشتىعى, تۇراقتى تۇرمىستىق جاعداي, حالىقتى كۇيزەلىسكە سوقتىرماۋ, بابالار باعىتىن ساقتاۋ, ىلگەرى دامىعان 30 ەلدىڭ ىشىنە كىرىپ, «100 ناقتى قادامدى» ىسكە اسىرۋ. سونداي-اق, قاعيداتتى, قۇقىقتى ورتا جاساۋ ءۇشىن 59 زاڭ ەندىرىلەتىنى. پرەزيدەنت تاپسىرماسى ون كۇردەلى ماسەلەلەردى قامتيدى. ولار پارلامەنت پەن ۇكىمەت, كاسىبي مەملەكەت, سوت جۇيەسى, قازاقستاندىق پاتريوتيزم, تاعى سول سياقتى ماسەلەلەر. سولاردىڭ ىشىندە ەڭ باستى ماسەلەلەردىڭ ءبىرى – باسشىلاردىڭ حالىققا تازا قىزمەت ەتۋى, داندايسىپ, دەموكراتيالىق ءتارتىپتى ءوز پايداسىنا اينالدىرعانداردىڭ اياعىنا تۇساۋ سالۋ, ەلدى بىرلىككە شاقىرۋ, اشىق مەملەكەتتىلىكتى ىسكە اسىرۋ. «قازاقستان حالقى», «قازاق­ستاندىق ۇلت», «ماڭگىلىك ەل», «دالا وركەنيەتى» ۇعىمدىق تەر­مين­­دەرى ەندىرىلدى. جاڭا جىل باسىندا پرەزيدەن­تىمىز جاڭا پىكىرلەر ايتىپ, ەلدى سوعان جۇمىلدىرۋدا. جاريا­لانعان ماتەريالداردىڭ باستى تەمىر­قازىعى – ادام تاربيەسى. ويتكەنى, ادام تاربيەسى قاشاندا ماڭىزدى, ال وقۋ ورىندارىندا تاربيە مەن ءبىلىم بەرۋ ەڭ جوعارى تۇرعان ماڭىز­دى ماقسات. وتانعا بەرىلگەن پاتريوت, جوعارى ءبىلىمدى, كاسىبي مامان دايارلاۋ, بۇل جوعارى وقۋ ورىن­دارى ءۇشىن دە, جالپى حالىق ءۇشىن دە ايقىن جول, بيىك ماقسات دەمەكپىن. دوسمۇحامەد كىشىبەكوۆ, قر ۇعا اكادەميگى. الماتى.