مەسسيمەن ازىلدەسكەن پوليتسەي سوت الدىندا جاۋاپ بەردى (ۆيدەو)

استانا. 20 قاڭتار. بىرىككەن اراب امىرلىكتەرىنىڭ پوليتسەيى داڭقتى فۋتبولشى ليونەل مەسسيدىڭ تولقۇجاتىن ۆيدەوعا تۇسىرگەنى ءۇشىن سوت الدىندا جاۋاپ بەردى. وعان ادامنىڭ جەكە ومىرىنە قول سۇقتى دەگەن ايىپ تاعىلىپ وتىر. بۇل تۋرالى eurosport.ru سايتىنا سىلتەمە جاساعان egemen.kz ءتىلشىسى حابارلادى. دۋباي قالاسىنىڭ ءتارتىپ ساقشىسى قۇجات تەكسەرۋ كەزىندە ارگەنتينالىقتىڭ جەكە باسىن كۋالاندىراتىن تولقۇجاتىن ۆيدەوعا ءتۇسىرىپ, ونى Snapchat قوسىمشاسى ارقىلى عالامتورعا جاريالاعان. بەينەنىڭ استىنا پىكىر قالدىرعان پوليتسەي: «بۇل قۇجاتتى ورتەپ جىبەرەيىن بە, جوق الدە يەسىنە قايتارايىن با؟», – دەپ جازعان ەكەن. ءوزى بۇل ارەكەتتىڭ ءازىل ەكەنىن ايتىپ, قۇجاتتى تاسپاعا ءتۇسىرۋ ءۇشىن مەسسيدىڭ وققاعارىنان رۇقسات سۇراعانىن جەتكىزدى. سوعان قاراماستان, سوت قۇقىق قورعاۋشىنىڭ قىلىعىن زاڭسىز جەكە ومىرگە ارالاسۋ دەپ باعالاعان. ايتا كەتەيىك, ليونەل مەسسي الەمنىڭ ەڭ ۇزدىك فۋتبولشىسىنا بەرىلەتىن Globe Soccer Awards سىيلىعىن الۋ ءۇشىن وتكەن جىلدىڭ جەلتوقسان ايىندا دۋبايعا بارعان ەدى. سونداي-اق, فۋتبولشى وسى قالادا وتەتىن ەكسپو-2020 حالىقارالىق كورمەسىنىڭ ەلشىسى ەكەنىن اتاپ وتكەن ءجون. ەلامان قوڭىر. دەرەك: eurosport.ru. سۋرەت: AFP.