اقش عالىمدارى كۇن جۇيەسىندەگى جاڭا عالامشاردى انىقتادى

استانا. 20 قاڭتار. اقش عالىمدارى كۇن جۇيەسىندە تاعى ءبىر عالامشاردىڭ بار ەكەنىن انىقتادى. ونىڭ جەردەن قانشالىقتى الىس ەكەنى ازىرگە بەلگىسىز. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اقش-تىڭ «استرونوميا جۋرنالىندا» كاليفورنيا تەحنولوگيالىق ينستيتۋتىنىڭ قىزمەتكەرلەرى مايكل براۋن جانە كونستانتين باتىگين توعىزىنشى عالامشاردىڭ بار ەكەنىن انىقتاعانى جاريالاندى. ولار كومپيۋتەرلى ۇلگىلەۋ قۇرىلعىلارى ارقىلى پلۋتون وربيتاسىنان تىس جاتقان شاعىن اسپان دەنەلەرىن زەرتتەۋ بارىسىندا وسىنداي قورىتىندىعا كەلگەن. زەرتتەۋشىلەر سالماعى جەردەن 5-10 ەسە اساتىن عالامشار يۋپيتەر مەن ساتۋرننىڭ ىقپالىنان عارىشتىڭ الىس بولىگىنە, كۇن جۇيەسىنىڭ پەريفەرياسىنا ءوتىپ كەتكەن دەگەن بولجام جاساپ وتىر. سونداي-اق, وعان «توعىزىنشى عالامشار» دەگەن اتاۋ بەردى. الداعى 5 جىلدىڭ كولەمىندە تەلەسكوپ ارقىلى تولىق اقپارات الۋ مۇمكىنشىلىگى بولادى دەپ ەسەپتەيدى. ال قازىرگى وپتيكالىق تەحنيكالار زەرتتەۋ جۇمىستارىن جۇرگىزۋگە جارامسىز. ايان ءابدۋالي. دەرەك, سۋرەت: تاسس.