قازاقستان رەسپۋبليكاسى ۇلتتىق عىلىم اكادەمياسىنىڭ پارلامەنت دەپۋتاتتارىنىڭ ءماجىلىستى تاراتۋ جانە پارلامەنت پەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋلارىن وتكىزۋ تۋرالى باستاماسىنا بايلانىستى
مالىمدەمەسى
قازاقستان رەسپۋبليكاسى ۇلتتىق عىلىم اكادەمياسى پارلامەنت دەپۋتاتتارىنىڭ ءماجىلىستى تاراتۋ جانە پارلامەنت پەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋلارىن وتكىزۋ تۋرالى باستاماسىن قولدايتىنىن مالىمدەيدى. قازاقستان عالىمدارى قازىرگى تاڭدا 5 ينستيتۋتتىق رەفورمانى جانە داعدارىسقا قارسى كەشەندى شارالارىن جۇزەگە اسىرۋدىڭ ايرىقشا ماڭىزدىلىعىن اتاپ وتەدى. بىرىنشىدەن, ەلىمىز بۇگىندە دامۋدىڭ مۇلدەم جاڭا ساپالىق دەڭگەيىنە اياق باستى. بەس ينستيتۋتتىق رەفورما «قازاقستان-2050» ستراتەگياسىنىڭ باستى مەجەسى – الەمدەگى ەڭ دامىعان 30 ەلدىڭ قاتارىنا قوسىلۋىمىزعا تىڭ سەرپىن بەرەدى. سوندىقتان, ۇلت جوسپارىن تابىستى ىسكە اسىرۋ ءۇشىن حالىقتىڭ جاڭا سەنىم مانداتىنا يە بولعان پرەزيدەنتتىك رەفورمالار پارلامەنتى جانە جەرگىلىكتى ءماسليحاتتار قاجەت. ەكىنشىدەن, الەمدىك داعدارىستىڭ اسا قۋاتتى كەزەكتى لەگى كەلە جاتىر. وسىعان بايلانىستى داعدارىسقا قارسى شارالاردىڭ ستراتەگياسى قابىلداندى. بۇل شارالاردىڭ مۇقيات جۇزەگە اسىرىلۋى ەلىمىزدىڭ ءوسىمىن, رەفورمالارى مەن دامۋىن قامتاماسىز ەتەدى. جاڭا پارلامەنت پەن بارلىق دەڭگەيدەگى ءماسليحاتتار داعدارىسقا قارسى ستراتەگيانىڭ جۇزەگە اسىرىلۋىن زاڭنامالىق قامتاماسىز ەتۋى ءتيىس. ۇشىنشىدەن, سايلاۋ مەرزىمىن ءبىر جىلعا سوزباي كەزەكتەن تىس وتكىزۋ حالىقتىڭ سايلاۋ ناۋقانىنا الاڭداماي, ەلدىك ىستەرگە جۇمىلۋىنا, ءارى قازىرگى تاڭدا ءاربىر تيىنى ماڭىزدى بيۋدجەت قاراجاتىن ۇنەمدەۋگە مۇمكىندىك بەرەدى. وسى پايىمداردىڭ نەگىزىندە ۇلتتىق عىلىم اكادەمياسى پارلامەنت دەپۋتاتتارىنىڭ ۇستانىمدارىن قۇپتاي وتىرىپ, بارشا قازاقستاندىقتاردى حالىق قالاۋلىلارىنىڭ باستاماسىن قولداۋعا ۇندەيدى. «تاۋ-كەن ءوندىرىسى جانە تاۋ-كەن مەتاللۋرگياسى كاسىپورىندارى» زتب-نىڭ پارلامەنت ءماجىلىسى مەن بارلىق دەڭگەيدەگى ءماسليحاتتار سايلاۋلارىن كەزەكتەن تىس وتكىزۋ باستاماسىن قولداۋ تۋرالى مالىمدەمەسى تاۋ-كەن ءوندىرىسى مەن تاۋ-كەن مەتاللۋرگياسى كاسىپورىندارىنىڭ قاۋىمداستىعى قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن كەزەكتەن تىس وتكىزۋ تۋرالى باستامانى قولدايدى. پارلامەنت ءماجىلىسى مەن بارلىق دەڭگەيدەگى ءماسليحاتتار قۇرامدارىنىڭ جاڭارۋى ۋاقتىلى جانە ەلدىڭ جاڭا رەفورمالار مەن شەشىمدى ءىس-ارەكەتتەرىن قۋاتتايتىن زاڭدى ۇدەرىس بولىپ تابىلادى. «100 ناقتى قادام» ۇلت جوسپارى رەفورمالاردىڭ جاڭا كەزەڭى ءۇشىن قاجەتتى زاڭنامالىق تۇعىرناما جاساۋعا مۇمكىندىك بەردى. الداعى سايلاۋلار زاڭ شىعارۋ جانە جەرگىلىكتى بيلىك وكىلدەرىنە دەگەن سەنىمدى نىعايتۋعا مۇمكىندىك بەرىپ قانا قويماي, مەملەكەتتىڭ داعدارىسقا قارسى ستراتەگياسىن ءارى قاراي ءتيىمدى جۇزەگە اسىرۋعا قاتىستى قوعامدا قالىپتاسقان كونسەنسۋستىق جاعدايدى قۋاتتاپ بەرىپ وتىر. بارلىق ونەركاسىپ كاسىپورىندارىن, قازاقستان ازاماتتارىن الداعى سايلاۋلارعا قولداۋ كورسەتۋگە شاقىرامىز.
