جول بويى سەرۆيسىنە سەرپىن بەرەدى

شۇكىر, قازىر جىل سايىن جول جاعدايى جاقسارىپ كەلەدى. وب­لىس اۋماعىنان 1894 شاقىرىم رەس­­پۋب­ليكالىق دارەجەدەگى قاتتى جامىل­­عىلى جول وتەدى. سونىڭ 658 شاقى­رىمى «باتىس ەۋروپا – باتىس قىتاي» حالىقارالىق كولىك ءدالىزى بولىپ تابىلادى. ەندىگى ءما­سەلە وسى جولداردىڭ بويىندا حا­لىق­­ارالىق ستاندارتتارعا ساي سەر­ۆيس­تىك قىزمەتتى دامىتۋ بولىپ وتىر. وبلىستىق اكىمدىكتە ءوڭىر باس­شىسى بەردىبەك ساپارباەۆ, «قازاۆ­تو­جول» ۇك» اق باسقارما ءتور­اعاسى ەرمەك قيزاتوۆ, ۇلتتىق كاسىپكەرلەر پالاتاسىنىڭ وكىلدەرى جانە وبلىس كاسىپكەرلەرى تاراپىنان جول بويى سەرۆيستىك قىزمەتىن دامىتۋ جونىندەگى تورتجاقتى مەمو­راندۋمعا قول قويۋ ءراسىمى بولدى. شارانى كىرىسپە ءسوز سويلەپ اشقان وبلىس اكىمى بەردىبەك ساپارباەۆ وڭىردەگى جولداردىڭ جاعدايىنا توقتالدى, 2016 جىلى «اقتوبە – اتىراۋ» تاسجولىن جاڭ­عىرتۋ باس­تالاتىنىن, «استانا – ار­قالىق – اقتوبە» تاسجولىنىڭ قۇرى­لىسىن جۇرگىزۋ دە شەشىمىن تابۋ­دا ەكەنىن جەتكىزدى. سونداي-اق, «اقتوبە – ور» تاسجولىن كۇردەلى جوندەۋ دە ويلاستىرىلىپ جاتقا­نىن ايتتى. – ءبىزدىڭ وڭىردەن وتەتىن 1894 شاقىرىم رەسپۋبليكالىق ماڭىز­داعى جول بويىندا نەبارى 170 سەر­ۆيستىك ورتالىق بار. سولاردىڭ ءوزى حالىقارالىق ستاندارتتارعا ساي كەلمەيدى. سوندىقتان كۇرە جول­دىڭ بويىندا زاماناۋي سەرۆيس­تىك قىزمەتتى دامىتۋ كۇن ءتارتى­بىن­دەگى وزەكتى ماسەلە بولىپ وتىر. بۇل باعىت­ت­اعى جۇمىستى ناقتى­لاۋ ءۇشىن جول بويى سەرۆيسىن دامىتۋ­دىڭ وڭىرلىك كارتاسى جاسالىپ, جۇمىس توبى قۇرىلىپ, قاي جەردە قانداي قىزمەت ورنالاسۋى كەرەك­تىگىن انىقتاۋ كەرەك. ءبىز ءوز تاراپى­مىزدان جەر بولۋگە, ينفرا­قۇرىلىم جۇرگىزۋگە قولداۋ كورسە­تەمىز. ءبىر سوزبەن ايتقاندا, قولدا­نىستاعى جانە سالىنىپ جاتقان جولداردى ءتيىمدى پايدالانۋىمىز قاجەت. بۇل – ەلباسى تاپسىرماسى. «بيز­نەستىڭ جول كارتاسى-2020» مەم­لەكەتتىك باعدارلاماسى بويىنشا بۇل ماقساتقا 100 ميلليون تەڭ­گە ءبولىندى. بۇل جۇمىس ودان ءارى جال­عاسىن تابادى, – دەدى ءوڭىر باسشىسى. ءوز كەزەگىندە «قازاۆتوجول» ۇك» اق باسقارما توراعاسى ەر­مەك قيزاتوۆ 2015 جىلى 2 مىڭ شاقىرىم جول سالۋ قولعا الىنىپ, سونىڭ 620 شاقىرىمى پايدالانۋعا بەرىلگەنىن, 2016 جىلى دا 2 مىڭ شاقىرىم جول سالىناتىنىن جەتكىزدى. ول سون­داي-اق, جول بويىنداعى سەرۆيستىك ورتالىقتارعا كىرەبەرىس جولدى اسفالتتاۋعا, ونىڭ اينالاسىن, دەمالىس اۋماعىن تازالاۋعا, قاۋىپسىزدىكتى قامتاماسىز ەتۋگە كومەك بەرىلەتىنىن ايتتى. جالپى, جول بويىنداعى سەرۆيستىك قىزمەتتى حالىقارالىق ستاندارتتارعا ساي كەلتىرۋگە بايلانىستى كەشەندى جۇمىستار جۇرگىزىلىپ جاتقانىنان حاباردار ەتتى. قازىر جۇمىس ىستەپ تۇرعان سەرۆيستىك ورتالىقتاردىڭ 75 پايىزى حالىقارالىق ستاندارتتارعا ساي كەلمەيتىنىن ايتا كەلىپ, ولاردىڭ جابىلمايتىنىن, قازاقستاندىق ستاندارتقا ساي كەلەتىندەي قايتا جاراقتاندىرىلاتىنىن اتاپ ءوتتى. ساتىبالدى ءساۋىرباي, «ەگەمەن قازاقستان». اقتوبە وبلىسى.