قاڭتاردا بايشەشەك گۇلدەدى

وڭتۇستىكقازاقستان­دىق­تار جاڭا جىلدى قى­لاۋ­لاپ جاۋعان قارمەن ەمەس, سەبەزگىدەن سەبەلەگەن­دەي جاڭبىرمەن قارسى العان. قازىر دە كۇن جىلى, ءباي­شەشەك گۇلدەپ جاتىر. تاڭەر­تەڭگىلىكتە جۇرت ۇستىنە نە ىلەرىن بىلمەيدى. سولتۇستىك وبلىستاردى قاسات قار باسىپ, قارعا ادىم جەر كورىنبەي, جولدار جابىلىپ جاتقاندا وڭتۇستىكتەگىلەر تۇسكە تامان كاستومگە كوشىپ, ءتىپتى, جەيدە كيەتىندەر دە جەتەرلىك. اسانباي اسقاروۆ اتىنداعى دەندروباقتا اعاش­تاردىڭ ءتۇر-ءتۇرى وسەدى. قايىڭ, ءسامبى تال, قاراعاشتار ءبۇر جارا باستادى. كەيبىر ۇيلەردە شيە گۇلدەگەن. شىمكەنتتىڭ قىز-كەلىنشەكتەرىنە وبال-اق بولدى. تۇگى جىلتىراعان قۇندىز ىشىكتەرىن ءبىر كيە الماي ارماندا ءجۇر. اراب امىرلىكتەرىندە مۇز­دان تۇرعىزىلعان الىپ ساراي بار دەيدى كورگەندەر. تۋريستەردى ماگنيتتەي تارتاتىن دۋباي الەمنىڭ قىس تۇسپەيتىن جىلى نۇكتەسىندە ورنالاسقان. ءبى­راق اقشالى, اقىلدى قالا. كانادا سياقتى مەملەكەتتەردەن قار اكەلىپ قاتىرىپ, مۇز قالا سالادى. ىشىندە ءبارى بار. قا­لاساڭىز مۇزدان قاتى­رىل­عان شىناياقپەن كوفە ىشە الاسىز. شەيحتار قالىڭ كيى­نىپ, قۇندىز ىشىك كيگەن كە­لىنشەكتەرىن شۇبىرتىپ ارالاپ جۇرەدى دەيدى. قىس قىزىعىن وسىلاي ەلەستەدى ءارى ايەلدەرىنىڭ قۇندىز ىشىكپەن قۇلپىرىپ جۇرۋىنە جاعداي جاسايدى. ال, كۇنى ك ۇلىپ تۇرعان شىمكەنتتىڭ جىگىتتەرى قوساقتارىنىڭ الدىندا ۇياتتى بولىپ ءجۇر. باقتيار تايجان, «ەگەمەن قازاقستان». وڭتۇستىك قازاقستان وبلىسى.