بەيمالىم جاندىك جۇمباعى

قوستاناي وبلىسىنىڭ اۋليەكول اۋدانىنا قاراستى قازانباسى اۋىلدىق وكرۋگىندەگى باعانالى ەلدى مەكەنىنەن بۇل وڭىردە بۇرىن-سوڭدى كەزدەسپەگەن تۇسىنىكسىز ءبىر ماق ۇلىق تابىلدى. كۋالاردىڭ ايتۋىنشا, جۇمباق جاندىكتىڭ سىرتقى كەلبەتى ۇلكەن سۇر قۇرتقا ۇقسايدى ەكەن. اينالاسىن قالىڭ ورمان قورشاعان اۋىل ادامدارى وسى كۇندەرى قازان ايىندا تۇسىرىلگەن كومىرلەرىن تازارتىپ شىعىپ, ەندى وتقا جاعا باستاعان. سول تازارتۋ جۇمىسىنىڭ بارىسىندا مەكتەپكە تۇسىرىلگەن كوپ كومىردىڭ اراسىنان كولەمى كادىمگى بولكە نانعا جەتە­قابىل جۇمىرتقا كەيىپتى جاندى زات شىعا كەلگەن. كەيىنىرەك باجايلاپ قاراعاندا, تابىلعان جاندىكتىڭ سىرتقى قابىعى جەلىمدەي جابىسقاق ەكەنى دە انىقتالعان. ءتىپتى, جۇمىرتقاعا دا ۇقسا­مايتىن سياقتى. ونىڭ ىشىنەن سوسىن ۇزىندىعى 20 سانتيمەتردەي بولاتىن قۇرتقا ۇقساس ءبىر ماق ۇلىق شىعىپتى. بۇعان قايران قالعان جۇمىسشىلار الگىنى تەزدەتىپ مەكتەپتەگى ەڭبەك كابينەتىنە اكەلىپ, ءتۇر-سيپاتىن انىقتاپ كورۋ ءۇشىن ۇستىنە سۋ قۇيادى. سول كەزدە ماق ۇلىقتىڭ قۇيرىق جاعى ۇرلەنىپ, بىرتىندەپ قيمىلداۋعا كوشەدى. تاياقپەن ءتۇرتىپ قالعاندا, جاندىك ءوزىنىڭ باستاپقى سۇرعىلت ءتۇسىن بىردەن كوگىلدىر بوياۋعا وزگەرتىپ شىعا كەلگەن. الگىنىڭ اۋزىندا كىشكەنە ازۋ تىستەرى بار كورىنەدى. اۋىلدىق وكرۋگ اكىمى قالاداعى عىلىمي-زەرتتەۋ ينستيتۋتىنا حابارلاسۋعا كەڭەس بەرىپتى. بۇعان كوڭىلدەرى تولماعان اۋىل تۇرعىندارى: «سوناۋ جەر تۇبىندەگى ءبىزدىڭ ەلدى مەكەنگە وقىمىستىلار وسى ءۇشىن ارنايى اتباسىن بۇرىپ كەلە قويمايتىن شىعار», – دەپ ەندى ەشبىر ارەكەتسىز وتىرعان كورىنەدى. سوسىن سول جەردە جۇمىس جاسايتىن گەنا اتتى جىگىت جۇمىرتقانى دا, الگى ماق ۇلىقتى دا ۇيىنە الىپ كەتكەن ەكەن. رۋسلان يگىلىك.