سۋرەتشى ميكەلاندجەلو سىيلىعىن الدى

حالىقارالىق «شابىت» شىعارماشىل جاستار فەستيۆالىنىڭ لاۋرەاتى رەنات ەلۋباەۆ يتاليانىڭ استاناسى ريم قالاسىندا وتكەن حالىقارالىق سۋرەتشىلەر بايقاۋىندا جەڭىسكە جەتتى. بايقاۋعا 170-كە جۋىق قىل­قالام شەبەرلەرى قا­تىستى. كون­كۋرسقا ول ۇلتتىق ناقىشتاعى سۋرەت­تەرىن ۇسىندى. وسى تۋىن­دىلارى تورەشىلەرگە ۇناپ, ونىڭ كار­تينالارى قازىلاردىڭ شەشى­مىمەن ۇزدىك دەپ تا­نىلدى. بايقاۋدا رەنات ەلۋباەۆ حالىق­ارالىق ميكەلاندجەلو مويسەي مۇسىنشەسىن الدى. ءسويتىپ, تالانتتى وتانداسىمىز قازاقتان تۇڭعىش رەت حالىقارالىق ميكەلاندجەلو سىيلىعىنىڭ يەگەرى اتاندى. «مۇنداي ۇلكەن سىيلىقتار ارتىستەرگە, انشىلەرگە بەرىلەدى. ال, سۋرەت ءبىز ءۇشىن تاڭ­سىق دۇنيە. بۇل بايقاۋعا جەر-ءجۇزىنىڭ بارلىق ەلدەرىنەن قىل­قالام شەبەرلەرى قاتىسادى. قا­زىلار سولاردىڭ سۋرەت­تەرىنە قاراپ, باعالارىن بەرەدى. قاستەرلى مۇسىنشەگە لايىقتىلار عانا يە بولادى. سول سىيلىق ماعان بۇيىردى», دەيدى رەنات ەلۋباەۆ. مويسەي مۇسىنشەسى – ميكە­لاندجەلو بۋونارروتي جاساعان اتاقتى ءمۇسىننىڭ كىشكەنتاي كوشىرمەسى. ونىڭ تاريحىن ايتساق, 1505 جىلى يۋلي ءىى ريم پاپاسى ۇلى شەبەردى شاقىرىپ الىپ, قۇلپىتاس جاساۋدى تاپسى­رادى. ميكەلاندجەلو ءمۇسىندى جاسايدى. سول كەزدە موي­سەي ءمۇسىنى ريمدەگى ەڭ باعالى تۋىندى دەپ تانىلادى. رەنات ەلۋباەۆ يمپرەسسيونيستىك مودەرن باعىتىندا سۋرەت سالادى. يمپرەسسيونيزم «ەركىندىك», «ءبىر ساتتىك» دەگەن ماعىنانى بىلدىرەدى. بىلتىر ول «رەاليزمنەن الشاق» جانر بويىنشا بەلارۋستە وتكەن «كۋرشينالە-2015» حالىقارالىق ونەر وليمپياداسىندا «سۋرەت ونەرى» اتالىمىندا باس جۇلدەنى جەڭىپ العان. ودان كەيىن اقش-تىڭ نيۋ-يورك قالاسىندا وتكەن «New York Realism» fine art» اتتى بەينەلەۋ ونەرى شەبەرلەرىنىڭ حالىق­ارالىق بايقاۋىندا «التىن قىران» مەدالىن يەلەندى. قازىر رەنات «استانا وپەرا» مەملەكەتتىك وپەرا جانە بالەت تەاترىندا جۇمىس ىستەيدى. داستان كەنجالين, «ەگەمەن قازاقستان».