قىتاي كومپانياسى گولليۆۋدتان كينوستۋديا ساتىپ الاتىن بولدى

استانا. 12 قاڭتار. قىتايدىڭ Dalian Wanda كورپوراتسياسى گولليۆۋدتىق Legendary Entertainment كينوستۋدياسىن 3,5 ميلليارد دوللارعا ساتىپ الۋ جونىندە ورتاق كەلىسىمگە كەلگەنىن مالىمدەدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. «Dalian Wanda ايگىلى كينوكومپانيانى ساتىپ الۋ تۋرالى شەشىمدى تەك فيلمدەر ءۇشىن ەمەس, ينتەللەكتۋالدى مەنشىك قۇقىعىنا يە بولۋ رەتىندە دە قابىلدادى. بۇل قادامىمىز قىتاي ەلىنىڭ الەمدىك كينويندۋستريادا ءوزىنىڭ داۋىس بەرۋ قۇقىعىن كۇشەيتەدى دەگەن ۇمىتتەمىز», – دەيدى بەيجىڭدە وتكەندە ارنايى ءباسپاسوز كونفەرەنتسياسىندا كورپوراتسيانىڭ پرەزيدەنتى, قىتايداعى داۋلەتتى ادامداردىڭ ءبىرى ۆان تسزيانلين. ايتا كەتەيىك, Dalian Wanda الەمدەگى ەڭ ءىرى كومپانيالاردىڭ ءبىرى. ول سولتۇستىك امەريكاداعى Entertainment Holdings, اۆسترالياداعى Hoyt’s Group جانە قىتايداعى Wanda Cinema Line كينوتەاترلار جەلىسىنە يە. ايان ءابدۋالي. دەرەك: تاسس. سۋرەت: wanda-group.com.