اقتوبە وبلىسىندا قىسقى دەمالىس ورتالىعى اشىلدى

اقتوبە. 12 قاڭتار. اقتوبە قالاسىنا قاراستى اقجار اۋىلىندا «اقبوبەك-ۆوستوك» قىسقى دەمالىس ورتالىعى اشىلدى. بۇل تۋرالى egemen.kz ءتىلشىسى حابارلادى. ورتالىقتا گازبەن جىلىتىلاتىن ۇياداي بولمەلەرى, ۋاقتىلى ىستىق تاماعىن ازىرلەپ وتىراتىن كافەتەريى, ىستىق چەبۋرەك دايىندايتىن كافەسى بار. كەلۋشىلەردىڭ وزدەرى كاۋاپ دايىندايمىن دەسە, وعان دا كەرەك-جاراق تابىلادى. قىسقى دەمالىستىڭ ءسانىن كەلتىرەتىن شاڭعى, كونكي تەبۋ, تازا اۋادا حوككەي, فۋتبول, باسكەتبول ويناۋ, تيۋبينگتەرمەن (باللون ءتارىزدى زاماناۋي شانالار) سىرعاناۋعا قاجەتتى جاعدايدىڭ ءبارى جاسالعان. كونكي تەبۋگە ارنالعان مۇز ايدىنى دا بار. سونىمەن قاتار, ورتالىقتا 3-7 جاس ارالىعىنداعى بۇلدىرشىندەرگە ارنالعان سىرعاناق ءبىر بولەك. 10 جاستان ءارى قارايعى كەلۋشىلەرگە ارنالعان سىرعاناق تاعى بار. ولاردى 230 مەتر بيىكتىككە اقجار تاۋىنىڭ باسىنا شىعاراتىن ارنايى جوعارى كوتەرگىش جۇمىس جاساپ تۇر. «اقبوبەك-ۆوستوك» قىسقى ورتالىقتىڭ ديرەكتورى ايبولات تاشپەنتاەۆتىڭ ايتۋىنشا, دەمالىس ورنى وتكەن جىلدىڭ 26 جەلتوقسانىندا اشىلعان. مۇندا كەلۋشىلەردىڭ قاۋىپسىزدىگى ءۇشىن تاۋلىك بويى كۇزەت قىزمەتى قاراستىرىلعان. قاراپايىم حالىققا قولجەتىمدى دەمالىس ورنىندا وتباسىلارىنا, ۇجىمدارعا بالالارىمەن دەم الۋعا, دەنساۋلىقتارىن جاقسارتۋعا مۇمكىندىك مول. ساتىبالدى ءساۋىرباي. دەرەك, سۋرەت: egemen.kz.