«شاحتەردىڭ» فۋتبولشىسى شاڭىراق كوتەرمەكشى

قاراعاندى. 12 قاڭتار. «وزبەك بايىسا تام سالادى...» دەگەن. ال قاراعاندىلىق «شاحتەر» فۋتبول كلۋبىنىڭ ويىنشىسى, بولگاريالىق لەگيونەر پلامەن ديموۆ ۇيلەنبەكشى. بۇل تۋرالى egemen.kz ءتىلشىسى حابارلادى. دەمەك, ديموۆتىڭ «شاحتەردەن» الىپ جۇرگەن جالاقىسى جامان بولماعانى عوي! فۋتبولشى بلاگوۆەستا تساكوۆا ەسىمدى بويجەتكەنگە ءوزىنىڭ سەزىمىن جاڭا جىلدىڭ تۇنىندە جەتكىزىپتى. ساعات ءتىلى تۇنگى 12-ءنى كورسەتىپ, اينالا تارسىلداپ وتشاشۋلار اتىلىپ جاتقاندا ول قالىڭدىعىنىڭ الدىنا تىزەرلەي وتىرا قالىپ, «ەكى جارتى ءبىر ءبۇتىن» بولساق دەگەن ۇسىنىسىن ايتقان. جيىرمانىڭ بەسەۋىندەگى پلامەن ديموۆ وتكەن ماۋسىمدى «قايسار» كومانداسىنىڭ قۇرامىندا باستاعان بولاتىن. ەكى ويىنعا قاتىسىپ, ءبىر گولدىڭ اۆتورى اتانعان. ال جازعا سالىم فۋتبولشى «شاحتەردى» تاڭداپ, كلۋبپەن كەلىسىمشارتقا وتىردى. كوماندا قۇرامىندا 10 رەت جاسىل الاڭعا شىعىپ, ەكى گول سوققان. فۋتبولشىنىڭ تاڭداعان قالىڭدىعى 24 جاستاعى بلاگوۆەستا تساكوۆا ءوز ەلىندە ءبيشى, مودەل, كينواكتريسا («كونان-ۆارۆار» فيلمىندە ەپيزودتىق ءرولدى سومداعان) رەتىندە تانىمال. ال, شىنداپ كەلگەندە, ارۋ قىزدىڭ «اتاعى» بولگارلىق «پلەيبوي», «ماكسيما» جۋرنالدارىندا, سونداي-اق نەمىس «پلەيبويىنىڭ» ەروتيكالىق كۇنتىزبەسىندە تۇسكەن اشىق-شاشىق سۋرەتتەرىمەن شىققان. جاس كەلىننىڭ قاراعاندىدا تۇرار-تۇرماسى بەلگىسىز. بىراق تا ديموۆ وسى جاقتا دوپ تەۋىپ جۇرەر بولسا, ءتۇبى ءبىر ات شالدىرارى انىق... قايرات ءابىلدينوۆ. دەرەك: egemen.kz. سۋرەت: newstaraz.kz.