پەتروپاۆل. 12 قاڭتار. بيىل وبلىس ورتالىعىندا 1011 پاتەرلى 11 كوپ قاباتتى تۇرعىن ءۇيدى ىسكە قوسۋ جوسپارلانىپ وتىر. بۇل تۋرالى سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى حابارلادى.
ايماق باسشىسى ەرىك سۇلتانوۆ پەتروپاۆل قالاسىنداعى قۇرىلىس الاڭدارىندا بولىپ, ونداعى جۇمىس بارىسىمەن تانىستى. بەرەكە ىقشاماۋدانىندا ورنالاسقان گاستەللو كوشەسى بويىندا 220 پاتەرلىك 3 كوپقاباتتى ءۇي بوي كوتەرەدى. بۇدان تىسقارى 296 پاتەرلى ءۇش ءۇيدىڭ قۇرىلىسى جاقىن ارادا قولعا الىنادى. مەردىگەرلىكپەن اينالىساتىن «پمك-5», «سترويكومپانيا», «وسنوۆانيە» كومپانيالارىنىڭ باسشىلارى جەرگىلىكتى قۇرىلىس ماتەريالدارىنىڭ ساپالىق, بەرىكتىك قاسيەتتەرىمەن تانىستىردى. يۋبيلەينىي كوشەسى بويىندا توعىز قاباتتى ءۇيدىڭ قۇرىلىسى اياقتالىپ كەلەدى. قولدانىسقا بەرىلسە, جالدامالى-كوممۋنالدىق باسپاناعا 126 وتباسى يە بولماق.
«بايتەرەك دەۆەلوپمەنت» اق-نىڭ قاراجاتىنا توعىز قاباتتى ەكى تۇرعىن ءۇي سالىنۋدا. مامىر ايىندا قولدانىسقا بەرىلەدى. باس مەردىگەرلەر – «دورسترويترەست» جانە «رۋسلان سەرۆيس لتد» كومپانيالارىنىڭ وكىلدەرى جۇمىستىڭ كەستە بويىنشا ۇيىمداستىرىلعانىن جەتكىزدى. بۇگىندە 4 قابات تۇرعىزىلدى, ينفراقۇرىلىمدىق جەلىلەر تارتىلدى.
تۇتاستاي العاندا, وبلىس ورتالىعىندا بارلىعى 1011 پاتەرلى 11 ءۇيدى پايدالانۋعا بەرۋ كوزدەلگەن.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
