استانا. 12 قاڭتار. قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى ەركىن تۇردە ماتەريالدىق قاراجات جيناۋ ارقىلى قايىرىمدىلىق تانىتىپ, ەكى جاسار ءبۇلدىرشىن ۆەرونيكا گريگورەۆانى ەمدەۋگە ۇلەس قوستى. بۇل تۋرالى egemen.kz ءتىلشىسى حابارلادى.
اقشا جيناۋ قر قك اسكەري قىزمەتشىلەرىنىڭ قايىرىمدىلىق جۇگىرۋىندە ۇيىمداستىرىلدى. ول «اسكەري اۋلەت» بايقاۋى شەڭبەرىندە وتكىزىلىپ, 700-دەن اسا ادامنىڭ باسىن توعىستىردى. اسكەري قىزمەتشىلەر بۇل مارافونعا بۇكىل وتباسىلارىمەن قاتىستى. وسىلايشا, وسكەلەڭ ۇرپاققا, ءوز بالالارىنا مۇقتاج ادامدارعا قايىرىمدىلىق تانىتۋ, جاردەم بەرۋ مەن قولداۋ كورسەتۋدىڭ ماڭىزدىلىعىن كورسەتتى. جينالعان قاراجات ارۋجان سايننىڭ «دوم» قوعامدىق قورىنا بەرىلدى.
«بۇل بالالارعا قولۇشىن سوزۋداعى ءبىزدىڭ تيتتەي عانا ۇلەسىمىز. ەم-دوم قابىلداۋ اسا ماڭىزدى بولىپ كەلەتىن سىرقاتقا شالدىققان بۇلدىرشىنگە ءسال دە بولسا كومەك كورسەتكەن جاعدايدا بەي-جاي قالماۋ قانشالىقتى ماڭىزدى ەكەنىن تۇسىنەسىڭ», دەيدى اسكەريلەر.
قولداۋ مەن كوڭىل بولۋگە ءزارۋ ادامدارعا قايىرىمدىلىق كورسەتۋ, قامقورلىققا الۋ بۇگىندە قازاقستان رەسپۋبليكاسىنىڭ قارۋلى كۇشتەرىندە مۇنىڭ بارلىعى اجىراماس بولىككە اينالۋدا. وتان قورعاۋدى وزدەرىنىڭ قاسيەتتى بورىشى دەپ ساناپ, اسكەري قىزمەتشىلەر قايىرىمدىلىق جۇمىسقا, مۇمكىندىگى شەكتەۋلى, اتا-انالارىنىڭ قامقورلىعىنان ايىرىلعان بالالارعا, ەگدە جاستاعى قاريالارعا كومەك كورسەتۋ جانە قولداۋ بىلدىرۋگە بارىنشا نازار اۋدارۋعا تىرىسىپ باعۋدا.
گريگورەۆا جەتىلمەگەن بالالاردىڭ رەتينوپاتياسىنا شالدىققان. بۇل كوز اۋرۋى كوز قابىرشىعى دامۋىنىڭ بۇزىلۋى سالدارىنان پايدا بولادى جانە تولىق كورۋ قابىلەتىنەن ايىرۋعا اكەپ سوقتىرۋى مۇمكىن. بۇلدىرشىن كوزگە جاسالاتىن ءتورت وتانى باستان كەشىردى. بۇل وتا وڭ ناتيجەلەرىن بەردى. ەندى مامىر ايىندا ونى سوڭعى وپەراتسيا كۇتىپ تۇر.
داستان كەنجالين.
دەرەك, سۋرەت: egemen.kz
