ارميانى قاۋىپسىزدىك توسقاۋىلدارىمەن قامتاماسىز ەتتى

استانا. 12 قاڭتار. 2015 جىلى قازاقستاندىق ارميانىڭ جاراقتاندىرىلۋىنا «قازاقستان ينجينيرينگ» ۇك» اق-تىڭ ەنشىلەس كاسىپورنى وتاندىق س.م.كيروۆ اتىنداعى ماشينا قۇراستىرۋ زاۋىتىمەن شىعارىلعان توتەنشە جاعدايلار كەزىندە قولدانىلاتىن ارنايى قاۋىپسىزدىك توسقاۋىلدارى كەلىپ ءتۇستى.  بۇل تۋرالى egemen.kz ءتىلشىسى حابارلادى. 2015 جىلى قازاقستاندىق ارميانىڭ مۇقتاجدىعى ءۇشىن زاۋىت ءونىمنىڭ جاڭا ءتۇرى, ياعني, توتەنشە جاعدايلارعا ارنالعان ارنايى قاۋىپسىزدىك بوگەتىن يگەردى. كاسىپورىن ءتيىستى قۇراستىرۋ جانە تەحنولوگيالىق قۇجاتتاما پاكەتىن ازىرلەدى, ءوندىرىستى دايىنداۋدى جۇزەگە اسىردى. مەملەكەتتىك قورعانىس تاپسىرىسىن ورىنداۋ شەڭبەرىندە 2015 جىلدىڭ قاراشا-جەلتوقسان ايلارىندا قازاقستان رەسپۋبليكاسىنىڭ قارۋلى كۇشتەرىنە, ياعني قر قك-ءنىڭ 68602 اسكەري بولىمىنە 2 مىڭ توسقاۋىل جەتكىزىلىپ بەرىلدى. ارنايى قاۋىپسىزدىك بوگەتى بىرنەشە سەگمەنتتەن قۇرالعان بولشەكتەلەتىن جينالمالى تورلى قۇرىلىمنان تۇرادى. ونىڭ ارقايسىسىنىڭ ىشىندە گەومەتكەلدەن جاسالعان جاپسىرما ورناتىلادى. توسقاۋىل اسكەري ءىس-قيمىلدار مەن لاڭكەستىككە قارسى ءىس-شارالار كەزىندە فورتيفيكاتسيالىق قۇرىلىستاردى تەز ارادا تۇرعىزۋ ءۇشىن ارنالعان. سونداي-اق ونى وزەندەر مەن سۋ قويمالارىنىڭ جاعالارىن بەكىتۋ ءۇشىن قولدانۋعا بولادى. قۇرىلىس -40° س-تان + 50°س-قا دەيىنگى تەمپەراتۋرادا قالىپتى جانە سۋىق كليمات جاعدايىندا اشىق اۋدا پايدالانىلادى. مۇنداي ارنايى قاۋىپسىزدىك توسقاۋىلدارى اقش, يزرايل جانە رەسەي فەدەراتسياسىنىڭ قارۋلى كۇشتەرىندە بەلسەندى تۇردە قولدانىلىپ جۇرگەنىن ايتا كەتكەن ءجون. داستان كەنجالين. دەرەك, سۋرەت: egemen.kz