ۇلىلاردى ۇلىقتاۋ – ۇرپاق پارىزى

بيىل الاش كوسەمى ءاليحان بوكەيحانوۆتىڭ 150 جىلدىق مەرەيتويى يۋنەسكو كولەمىندە اتاپ وتىلەدى. وسىعان وراي سەمەي قالاسى اكىمىنىڭ ورىنباسارى نادەجدا شاروۆانىڭ باسقارۋىمەن ارنايى جيىن ءوتتى. وندا ءا.بوكەيحانوۆتىڭ مەرەيتويىن حالىققا توي رەتىندە عانا ەمەس, ۇلگى-ناسيحات رەتىندە كورسەتە ءبىلۋ, الاش قايراتكەرىنىڭ ەڭبەگىن حالىققا كەڭىنەن تانىتىپ, تانىستىرۋ قاجەتتىگى تۋرالى ايتىلدى. بۇل جونىندە عالىمدار مەن قوعام قايراتكەرلەرى دە وزدەرىنىڭ وي-پىكىرلەرىن ورتاعا سالدى. اتاپ ايتقاندا, وتانتاي كارىپجانوۆ, امانتاي دوعالاقوۆ, مۇحتاربەك كارىموۆ, اقىن تىنىشتىقبەك ابدىكاكىم, ءانشى قۇسميليا نۇرقاسىم مەن قالالىق مادەنيەت جانە تىلدەردى دامىتۋ ءبولىمىنىڭ باسشىسى بەرىك كوپباەۆ, سەمەي قالالىق مادەنيەت سارايىنىڭ ديرەكتورى نۇريدەن يمانباەۆ تاۋەلسىزدىكتىڭ 25 جىلدىعىمەن تۇسپا-تۇس كەلىپ وتىرعان ءاليحان بوكەيحانوۆ مەرەيتويىنىڭ ماڭىزدىلىعىنا توقتالدى. اكىمدىكتە وتكەن جيىندا سەمەي قالاسىنداعى ورتالىق كوشەلەردىڭ ءبىرىنىڭ اتىن ءاليحان بوكەيحانوۆقا بەرۋ, مەكتەپ, كوللەدجدەردىڭ ءبىرىنىڭ اتىن دا ءاليحان اتىمەن اتاۋ جانە وعان ارناپ ەسكەرتكىش ورناتۋ ماسەلەلەرى كەڭىنەن تالقىلاندى. جانە الداعى ۋاقىتتا ءا.بوكەيحانوۆ اتىنداعى ارنايى قور قۇرىلىپ, وعان قالالىق اكىمدىك قىزمەتكەرلەرىنەن باس­تاپ, بارلىق جۇمىس ىستەيتىن ادامدار ءبىر كۇندىك ەڭبەكاقىلارىن اۋدارىپ, جينالعان قاراجات ءا.بوكەيحانوۆتى ۇلىقتاۋعا جۇمسالاتىنى دا ايتىلدى. الاش كوسەمى تۋرالى سوناۋ 1992 جىلدان باستاپ باستاما كوتەرىپ, «الاش­وردا», «دەموكراتيا» گا­زەت­تە­رىن شىعارعان سەمەي ايماقتىق «اق جول» پارتياسىنىڭ توراعاسى, قو­عام قايراتكەرى ءارى اقىن راحات التاي ەدى. جيىندا ن.شاروۆا ر.التايعا بىرلەسىپ جۇمىس ىستەۋدى ۇسىندى. باسقوسۋ سو­ڭىندا ر.التاي تانىمال كومپوزيتور, ءانشى تۇرسىنعازى را­­حيموۆقا پارتيا اتىنان «قازاق حان­دىعىنا-550 جىل» مەرەكەلىك مەدالىن تابىستادى. ول ءوزىنىڭ سوزىندە قازاق حاندىعىنىڭ 550 جىل­دىعى ءاليحان بوكەيحانوۆتىڭ يۋنەسكو كولەمىندەگى تويىنا ۇلا­سىپ وتىرعاندىعىن كورۋدىڭ ءوزى ءبىر عا­­نيبەت ەكەنىن اتاپ ءوتتى. راۋشان نۇعمانبەكوۆا. سەمەي.