استانا. 8 قاڭتار. اۆستريانىڭ استاناسى – ۆەنا قالاسىندا وتكەن سيريانى قولداۋ حالىقارالىق توبى شەڭبەرىندە باشار اسادتىڭ پرەزيدەنت ورىنتاعىنان كەتۋى تۋراسىندا ماسەلەگە كەلىسىم بولعان جوق جانە ونىڭ بولۋى دا مۇمكىن ەمەس ەدى. مۇنى رەسەي پرەزيدەنتىنىڭ تاياۋ شىعىس پەن افريكا ەلدەرى جونىندەگى ارنايى وكىلى, سىرتقى ىستەر ءمينيسترىنىڭ ورىنباسارى ميحايل بوگدانوۆ جەتكىزدى. بۇل تۋرالى «ينتەرفاكس» اقپارىنا سىلتەمە جاساعان egemen.kz حابارلادى.
ديپلوماتتىڭ ايتۋىنشا, قۇراما شتاتتار, بالكىم, «الدەقانداي ءبىر جوسپاردى قۇرعان شىعار», بىراق ماسكەۋ ءوزىنىڭ بۇدان بۇرىن ءمالىم ەتكەن «سيريانىڭ كەلەشەگىن, ونىڭ باسشىلىعىن سيريا حالقىنىڭ ءوزى شەشەدى» دەگەن ءپرينتسيپتى پوزيتسياسىنان اينىماق ەمەس. «بۇل ۆەنا كەلىسىمىندە جازىلعان», - دەپ اتاپ كورسەتتى ءمينيستردىڭ ورىنباسارى.
اراب رەسپۋبليكاسىندا بيلىك اۋىسىمىن كەزەڭ-كەزەڭىمەن جاساۋ جونىندە جوسپار بار ەكەنىن 6 قاڭتار كۇنى Associated Press اگەنتتىگى حابارلاعان ەدى. ارادا بىرنەشە ساعات وتكەننەن كەيىن سونداي جوسپاردىڭ بار ەكەنىن اقش مەملەكەتتىك دەپارتامەنتىنىڭ ارانيى وكىلى دجون كيربي راستادى.
قۇجاتقا سايكەس, 2017 جىلدىڭ ناۋرىز ايىندا پرەزيدەنت اسادتىڭ وتستاۆكاعا كەتەتىنى كوزدەلگەن كورىنەدى. تالدامادى جازباعا سايكەس, سول جىلعى اقپاندا سيرياداعى ساياسي بيلىكتىڭ اۋىسۋى باستالادى دا 18 ايعا دەيىن سوزىلادى. اقش-تىڭ بولجامىنشا, اساد وكىلدەرى مەن وپپوزيتسيا اراسىنداعى كەلىسسوزدىڭ ناتيجەسىندە ساۋىردە قاۋىپسىزدىك كوميتەتى قۇرىلادى. مامىردا پارلامەنت تاراتىلادى. بۇدان ءارى ۋاقىتشا زاڭ شىعارۋشى ورگان قۇرىلادى, سونداي-اق ەلدى قالپىنا كەلتىرۋدى قارجىلاندىرۋعا قاتىساتىن حالىقارالىق دونورلار كونفەرەنتسياسىن وتكىزۋ جوسپارلانعان. ال 2016 جىلعى قاراشاعا دەيىن جاڭا كونستيتۋتسيانىڭ جوباسى دايىندالادى. سيريا حالقى وعان 2017 جىلعى قاڭتاردا وتەتىن رەفەرەندۋمدا ءوز ويىن بىلدىرە الادى. تەك وسىدان كەيىن عانا اساد ءوزىنىڭ ەڭ جاقىن نوكەرلەرىمەن بىرگە بيلىكتەن كەتەدى.
امەريكانىڭ ويىنشا, جاڭا ۇكىمەت تامىزدا وتەتىن پارلامەنت جانە پرەزيدەنت سايلاۋىندا بارلىق ۋاكىلەتتىكتەردى ءوز قولىنا الادى.
Associated Press سيريا مەملەكەتى باسشىلىعىن سىرتقى كۇشتەردىڭ اسەرىمەن اۋىستىرۋعا قارسىلىق تانىتىپ, شەشىمدى ەل حالقىنىڭ ءوزى شەشۋى ءتيىس دەپ ساناپ وتىرعان رەسەي مەن يراننىڭ بۇل جومپاردى قولدامايتىندارىن اتاپ ءوتتى. سونىمەن قاتار, اسادتىڭ تەزىرەك بيوىك باسىنان كەتۋىن قالاپ وتىرعان اراب رەسپۋبليكاسىنىڭ وپپوزيتسياسى, سونداي-اق اقش-تىڭ ساۋد ارابياسى, كاتار جانە تۇركيا سەكىلدى وداقتاستارىنىڭ امەريكالىقتار جاساعان بۇل كەستەنى ساتقىندىق دەپ باعالاۋى دا مۇمكىن.
تالعات رايىمبەك.
دەرەك, فوتو: ينتەرفاكس.
