وڭتۇستىك قازاقستاننىڭ call-ورتالىعىنىڭ جۇمىسى جەمىستى

شىمكەنت. 8 قاڭتار. وبلىستىق كلينيكانىڭ جانىنان اشىلعان call-ورتالىق الەۋمەتتىك سالانىڭ دامۋىنا ايتارلىقتاي ۇلەس قوسىپ كەلەدى. بۇل تۋرالى egemen.kz ءتىلشىسى حابارلادى. بۇعان 12 مەديتسينالىق ۇيىم بەكىتىلگەن. وسىنداعى دەنساۋلىق ساقتاۋ ۇيىمدارىندا 7308 دارىگەر, 22027 ورتا بۋىن ماماندارى قىزمەت ەتەدى. وتكەن جىلدارعا قاراعاندا انا مەن بالا ءولىمى تومەندەپ وتىر. تۇرعىندار جەدەل-جاردەم قىزمەتىنە ۇنەمى سىن ايتىپ كەلە جاتقان. بۇل ماسەلەنى وبلىس اكىمى بەيبىت اتامقۇلوۆ ءوز باقىلاۋىنا الىپ, قوسىمشا بريگادالارمەن تولىقتىرۋدى تاپسىرعان. «وتىزدان اسا ازاماتقا اعزا الماستىرۋ وپەراتسياسى جاسالىپ, ءبارى كوڭىلدەگىدەي بولدى. دارىگەرلەرىمىزدىڭ بىلىكتىلىگى ارتۋىنا ۇلكەن ءمان بەرىلەدى. ولار حيرۋرگيالىق ەمدەۋدىڭ جاڭا تاسىلدەرىن مەڭگەرە باستادى. ياعني, باياعىداي شەتەلگە وتا جاساتۋ ءۇشىن شىعانداۋدىڭ قاجەتى جوق», دەيدى وبلىستىق دەنساۋلىق ساقتاۋ باسقارماسىنىڭ باسشىسى سەيىتجامال پاكەەۆ. باقتيار تايجان. دەرەك, سۋرەت: egemen.kz