قاراعاندىدا «شاحتەردىڭ» باس جاتتىقتىرۋشىسى بەلگىلى بولدى

قاراعاندى. 8 قاڭتار. «شاحتەر» فۋتبول كلۋبىنىڭ باس جاتتىقتىرۋشىسى قىزمەتىنە سلوۆاك مامانى يوزەف ۆۋكۋشيچ تاعايىندالدى. بۇل تۋرالى كلۋبتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جاڭا جاتتىقتىرۋشى 51 جاستا. ون جىلدان استام ۋاقىتتان بەرى سلوۆاكيا پرەمەر-ليگاسى دەڭگەيىندە فۋتبولمەن اينالىسىپ كەلەدى. ءتورت جىلداي سلوۆاكيا جاستار قۇراماسىندا جاتتىقتىرۋشى, ودان كەيىنگى التى جىل ىشىندە باس جاتتىقتىرۋشى قىزمەتتەرىن اتقارعان. وتباسىلى, جەتى جاستاعى قىز بالاسى بار. فۋتبولشى كەزىندە ءوزىنىڭ تۋعان قالاسى كوشيتسەنىڭ كلۋبتارىندا ونەر كورسەتكەن. ال باپكەر رەتىندە نەمىستىڭ «راينباح», سلوۆاكيالىق «ليچارتوۆتسە», «رۋجومبەروك», «سپارتاك» (ترناۆا), «نيترا», وڭتۇستىكافريكالىق «كەيپتاۋن», ليۆيالىق «ءال-احلي» كلۋبتارىندا جۇمىس ىستەدى. سوڭعى كەزدەرى ول «كوشيتسە» فۋتبول كلۋبىنىڭ باس جاتتىقتىرۋشىسى بولعان. قايرات ءابىلدينوۆ. دەرەك, سۋرەت: egemen.kz.