چەحيانىڭ پرەمەرى تاعى دا حاكەرلەردىڭ قۇربانىنا اينالدى

استانا. 8 قاڭتار. چەحيانىڭ پرەمەر-ءمينيسترى بوگۋسلاۆ سوبوتكانىڭ ەلەكتروندى پوشتاسىنا شابۋىل جاسالدى. حاكەرلەر ونداعان حاتتاردى قولدى ەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. «نەگىزىنەن بيلىكتىڭ كوشى-قون ماسەلەسى جونىندە بەرگەن حابارلامالارى ۇرلانعان. ارتىنشا, بۇل اقپاراتتار شەتەلدىك سايتتاردىڭ بىرىندە جاريالانعانى ءمالىم بولدى», – دەپ حابارلايدى چەحيا راديوسى. ۇرلانعان مالىمەتتەردىڭ ىشىندە يپوتەكالىق نەسيەنى تولەگەنى, پارتياداعى جانە ۇكىمەتتەگى ارىپتەستەرىمەن كەلىسسوزدەرى, كوشى-قون داعدارىسى, مينيسترلەر قۇزىرەتىنە قاراستى ەكونوميكالىق ماسەلەلەر مەن كادرلىق سۇراقتار جايلى اقپاراتتار بار. وقيعا بارىسىن جەرگىلىكتى پوليتسيا قىزمەتكەرلەرى تەكسەرۋ ۇستىندە. بوگۋسلاۆ سوبوتكانىڭ ءوزى بۇل جاعدايعا سۇحبات بەرۋدەن باس تارتتى. ايتا كەتەيىك, چەحيا پرەمەر-ءمينيسترى سوڭعى ءبىر اي ىشىندە وسىمەن ەكىنشى مارتە حاكەرلەردىڭ قۇربانىنا اينالدى. جەلتوقسان ايىندا Twitter الەۋمەتتىك جەلىسىندەگى جەكە پاراقشاسىنا شابۋىل جاسالىپ, ورىنسىز جازبالار جارىق كوردى. ولار پرەمەر-ءمينيستردىڭ اتىنان نەوۇلتشىلدىققا وڭ كوزقاراستا ەكەندىگى, ەلىن ساتىپ كەتكەن بوسقىندارعا قارسى كۇرەسۋ كەرەكتىگى, ەل پرەزيدەنتىنە ءتىل تيگىزگەنى جونىندە بىرنەشە حابارلامالار تاراتقان. «بەلگىسىز بىرەۋلەردىڭ مۇنداي ارەكەتكە بارعانى ءۇشىن ۇستەرىنەن قىلمىستىق ءىس قوزعالادى. الەۋمەتتىك جەلىدە شىققان جازبالار بوگۋسلوۆ سوبوتكانىڭ العا قويعان ساياساتىمەن جانە كوزقاراسىمەن مۇلدەم سايكەس كەلمەيدى», – دەيدى مينيسترلەر ءۇيىنىڭ ءباسپاسوز حاتشىسى مارتين ايەر. ال بۇل رەتتە ۇكىمەت باسشىسى: «مەنىڭ جەكە پاراقشاما نەوۇلتشىلدار شابۋىل جاساعان بولسا, ءوز ءىسىمدى ويداعىداي اتقارىپ جۇرگەنىمنىڭ ايقىن دالەلى», – دەدى. ايان ءابدۋالي. دەرەك: تاسس. سۋرەت: 112.ua.