قاتار يرانداعى ەلشىلىگىن كەرى قايتاردى

استانا. 7 قاڭتار. قاتار مەملەكەتى يرانداعى ساۋد ارابياسىنىڭ ەلشىلىگى مەن كونسۋلدىعىنا جاسالعان شابۋىلدان كەيىن ءوز ەلشىلىگىن كەرى قايتارىپ الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وتكەن سەنبى كۇنى ساۋد ارابياسىنىڭ ىشكى ىستەر مينيسترلىگى 47 ادامنىڭ ءولىم جازاسىنا كەسىلگەندىگى جونىندە مالىمەت بەرگەن. ونىڭ ىشىندە شەيلىك باعىتىن ۇستانعان ءدىن ۋاعىزداۋشىسى نيمر ءان-نيمر دە بار بولاتىن. وسىعان بايلانىستى يراندا ادامدار جاپپاي  نارازىلىق ءبىلدىرىپ, ساۋد ارابياسىنىڭ تەگەرانداعى ەلشىلىگى پەن مەشحەدتەگى كونسۋلدىعىنا شابۋىل جاسادى. ساۋد ارابياسىنىڭ سىرتقى ىستەر مينيسترلىگىنىڭ باسشىسى ءادىل ءال-جۋبەير بولعان وقيعاعا بايلانىستى يران مەملەكەتىمەن ديپلوماتيالىق قارىم-قاتىناستىڭ ۇزىلگەنى تۋرالى مالىمدەدى. ارتىنشا باحرەين, سۋدان مەن دجيبۋتي ەلدەرى دە وسىنى قايتالادى. ال بىرىككەن اراب امىرلىگى بايلانىستى ەڭ تومەنگى دەڭگەيگە دەيىن ازايتتى. قاتار سياقتى كۋۆەيت تە تەگەرانداعى ءوز ەلشىلىگىن كەرى شاقىرىپ الدى. ايان ءابدۋالي. دەرەك: ريا «نوۆوستي». سۋرەت: wikimapia.org.