قاراعاندىدا «شاحتەردىڭ» ويىنشىلارى باس قوستى

قاراعاندى. 7 قاڭتار. قاراعاندىلىق «شاحتەر» فۋتبول كلۋبىنىڭ باسشىلىعى مەن فۋتبولشىلارى دەمالىستان كەيىن العاش رەت باس قوسىپ, جينالىس وتكىزدى. بۇل تۋرالى كلۋب ءباسپاسوز قىزمەتىنىڭ اقپاراتىنا سىلتەمە جاساعان egemen.kz ءتىلشىسى حابارلادى. «شاحتەر» بيىلعى جىلعى ءوزىنىڭ العاشقى وقۋ-جاتتىعۋ جيىنىن ساتباەۆ قالاسىندا وتكىزبەكشى. بۇل جيىنعا 2015 جىلى كوماندا قۇرامىندا ونەر كورسەتكەن فۋتبولشىلار جانە دە تەمىرتاۋدىڭ «بولات امت» كومانداسىنىڭ قاقپاشىسى الەكساندر رۋشيناس, الاڭداعى ويىنشىلار ەۆگەني ازاماتوۆ, ايدوس تاتتىباەۆ, سونداي-اق, ەلىمىزدىڭ باسقا وڭىرلەرىنىڭ كوماندالارىندا ويناعان ماقسات بايجانوۆ («اتىراۋ»), توقتار جاڭعىلىشباي, يگور پيكالكين (ەكەۋى دە «استانادان»), يلنۋر مانگۋتكين («وقجەتپەس»), ەۆگەني گورياچي («جەتىسۋ») سىندى اياقدوپ شەبەرلەرى قاتىسادى. ەسكە سالار بولساق, «شاحتەردىڭ» باس جاتتىقتىرۋشىسى ءالى تاعايىندالعان جوق. قايرات ءابىلدينوۆ. دەرەك, سۋرەت: egemen.kz.